"Finais de xullo", data definitiva para concluír a reforma da ponte do Burgo
Por Redacción
A reforma e peonalización da ponte do Burgo atópase, agora si, na súa recta final e falta só de pequenos detalles para poder proceder á súa recepción e inauguración.
Así o confirmou este martes a portavoz do goberno local, Anabel Gulías, recoñecendo que "agardamos rematar en breve". De feito falou de que "sería a finais de mes", valorando a data do 25 de xullo á espera de que o concelleiro Demetrio Gómez coordine os actos que se celebrarán para conmemorar a renovación desta emblemática infraestrutura.
Financiada con fondos europeos, as obras da ponte do Burgo sufriron diversos atrasos, principalmente derivados da situación provocada polo Covid e o estado de alarma.
"Tivemos problemas non só este Concello cos provedores, sobre todo en cuestións que teñen que ver con electrónica, que nos complican", explicou Gulías.
O coronavirus impedirá unha gran celebración na reapertura da ponte, pero en todo caso "celebrarase e se poñerá a disposición da veciñanza esta obra", confirmou a edil.
Concluídas hai meses as actuacións relativas á obra civil, nas últimas semanas os traballos están centrados na instalación da nova iluminación da ponte.
Relacionadas:
-
Patrimonio abre expediente ao Concello polas escaleiras ao río desde O Burgo pero avala a reforma da ponte
Por Alejandro Espiño |
-
Pontevedra inaugurará o 4 de agosto a renovada ponte do Burgo
Por Alejandro Espiño |
-
Proban como quedará a visión nocturna da ponte do Burgo
Por Redacción |
-
A marxe do Lérez entre as pontes do Burgo e os Tirantes terá itinerario peonil e ciclista
Por Natalia Puga |
-
31 de xullo, data límite para acabar as obras da ponte do Burgo
Por Alejandro Espiño & Mónica Patxot |
-
Pontevedra paraliza polo coronavirus todas as obras públicas non urxentes
Por Oskar Viéitez |
-
A iluminación das pontes de Pontevedra levará a sinatura de Setga
Por Alejandro Espiño |