O PP pide á Deputación que negocie a "fundamental" comarcalización do parque de bombeiros de Pontevedra
Por Redacción
A comarcalización do parque de bombeiros de Pontevedra "é urxente e necesaria". Así o entende o portavoz do Partido Popular na Deputación, Jorge Cubela, que pediu este mércores ao goberno provincial que comece a negociar canto antes esta medida.
"Os tres incendios que ocorreron na parroquia de San Salvador no últimos catro días evidencian que a comarcalización do Parque de Bombeiros de Pontevedra é fundamental", defende Cubela, para quen "é inexplicable que habendo un parque de bombeiros nesta mesma parroquia, a menos de dous minutos de onde ocorreron os feitos, non acudan en caso de emerxencia".
O portavoz popular asegura que está en mans da Deputación ofrecer unha solución respecto diso, ao considerar que a competencia das emerxencias para os concellos de menos de 20.000 habitantes corresponde á institución provincial.
Cubela defende que a comarcalización sería tamén fundamental para outros municipios como A Lama, Campo Lameiro, Ponte Caldelas, Barro e Cerdedo Cotobade.
"Os concellos da comarca queren, a Xunta tamén, e mesmo os profesionais", asegura o representante popular, polo que "entendemos que o goberno da Deputación debe actuar xa".
Relacionadas:
-
A compra de novos equipos sitúa ao parque de bombeiros de Pontevedra á vangarda tecnolóxica de Galicia
Por Redacción |
-
A parroquia de San Salvador recollerá firmas para demandar solución ao ilóxico servizo de Bombeiros
Por Redacción |
-
Moldes pide ao Concello de Poio que garanta a cobertura dos bombeiros "antes de que sexa demasiado tarde"
Por Redacción |
-
Un incendio calcina dous colectores de lixo e dous turismos aparcados en Poio
Por Redacción |