Xornada sen cambios no balance de Covid-19 na área sanitaria: sen novos positivos e con 20 casos activos
Por Diego Espiño
O balance oficial sobre a pandemia de Covid-19 ofrecido este mércores 29 de xullo pola Consellería de Sanidade non reflicte cambios con respecto á xornada anterior.
Isto significa tamén que despois de varios días rexistrándose positivos, nesta ocasión non se detectou ningún novo contaxio. Desta forma, ao non producirse tampouco ningún alta epidemiolóxica, a cifra de 'casos activos' de coronavirus na área sanitaria de Pontevedra e O Salnés mantense nos 20.
Entre os afectados, unha persoa permanece ingresada en planta no Hospital de Montecelo e o resto evolucionan nos seus domicilios.
Ao non producirse altas, a cifra de curados na área sanitaria segue sendo de 912 desde o inicio da pandemia, mentres que os falecementos asociados ao virus son 16.
A nivel autonómico si que prosegue, aínda que en menor medida, o aumento de positivos xa que na última actualización o número de casos activos de coronavirus en Galicia é de 249, polos 242 do martes. Deles 71 son da área da Coruña, 80 da de Lugo, 6 da de Ourense, 20 da de Pontevedra, 50 da área de Vigo, 21 da de Santiago, e 1 da de Ferrol.
Do total de pacientes positivos, 1 está en UCI, 8 en unidades de hospitalización e 240 no domicilio. Por agora, en Galicia hai un total de 11.251 persoas curadas, rexistrándose 619 falecementos.
O número de PCR realizadas é de 246.840.
Relacionadas:
-
Soben a dúas as persoas hospitalizadas por Covid na área sanitaria, nunha xornada con tres novos positivos
Por Diego Espiño |
-
Un novo positivo e dúas altas reducen a 18 os casos activos de coronavirus na área sanitaria
Por Diego Espiño |
-
Sete positivos e un paciente ingresado en Montecelo no terceiro día de escalada de casos de Covid na área sanitaria
Por Diego Espiño |
-
Os casos de Covid-19 dispáranse na área sanitaria, con 5 novos positivos e 15 casos activos
Por Diego Espiño |
-
Repunte de casos de Covid na área sanitaria, con 4 positivos rexistrados nas últimas horas e 11 casos activos
Por Diego Espiño |