Morre un ciclista de 60 anos en Caldas de Reis ao chocar contra a bionda
Por Oskar Viéitez
A Garda Civil de Tráfico informou da morte dun ciclista de 60 anos ao chocar contra a bionda da estrada.
O accidente tivo lugar ás 10.17 horas deste domingo na estrada nacional N-550; á altura do quilómetro 96, no termo municipal de Caldas de Reis.
Segundo estas fontes oficiais o ciclista saíuse da vía pola marxe esquerda e posteriormente impactou contra a bionda lateral
O falecido é un veciño de Valga.
Os axentes do Instituto Armado apuntan que a caída se puido producir por causas naturais ao perder equilibrio e cambiar traxectoria sen causa aparente ata producirse choque.