Amizade denuncia que a nova ordenanza discrimina ás persoas con mobilidade reducida
Por Redacción
A asociación Amizade lamenta que finalmente o Concello de Pontevedra non tivera en conta a súa opinión e que finalmente inclúa unha limitación temporal para o uso das prazas de estacionamento reservadas a persoas con mobilidade reducida.
Recorda que no mes de xaneiro, co coñecemento do borrador da ordenanza, a asociación enviara unha nota de prensa facendo referencia a esta mesma cuestión e que no mesmo mes mantivo unha reunión co alcalde de Pontevedra na que se lle transmitiu a profunda preocupación que suscitada o contido do borrador.
Pasados os meses sen que existise ningún contacto por parte do Concello, a entidade representativa de persoas con discapacidade atópase coa aprobación da ordenanza e coa "desagradable sorpresa" de que se mantén o contido criticado no seu momento, e que Amizade considera "discriminatorio para as persoas con mobilidade reducida, e mesmo contrario ao modelo de cidade que promulga a accesibilidade como un dos seus valores".
Desde a asociación solicitan aos responsables municipais que retiren o documento e que se leven a cabo os contactos e reunións pertinentes de cara a obter un texto final "realmente beneficioso para toda a poboación".
Así mesmo, solicitarán reunións cos diferentes grupos municipais da corporación co fin de recabar apoios que respalden un posicionamento que consideran "xusto e razoable", e que "simplemente propón seguir regulando a reserva de prazas de estacionamento para persoas con mobilidade reducida da mesma maneira que ata o de agora; constituíndo unha pequena discriminación positiva que facilita o estacionamento aos vehículos que transporten a persoas titulares da correspondente tarxeta, favorecendo así as súas posibilidades de integración social e laboral".
Lamenta a asociación que tampouco se aproveitara a ocasión para incrementar o importe das sancións por estacionar indebidamente nunha praza reservada. "Faise evidente que falta concienciación social sobre o respecto destas prazas e, igual que noutros moitos casos, ás veces o procedemento sancionador constitúe unha medida necesaria e imprescindible para conseguir o resultado esperado", din dende Amizade.
Amizade xa se ten manifestado en diversas ocasións agradecendo o traballo da Policía Local no control de uso destas tarxetas e considera que a intensificación deste labor inspector e o incremento das sancións daría un mellor resultado.
Relacionadas:
-
Meses agardando por unha tarxeta de aparcamento para o seu fillo Martín, con 87% de discapacidade: "Só pido un mínimo de empatía"
Por Mónica Patxot & Anxo Lourido |
-
Amizade convida a participar no seu grupo de apoio 'Mulleres Diversas'
Por Redacción |
-
Unha ducia de entidades secundan a postura crítica coa ordenanza de mobilidade de Pontevedra
Por Redacción |
-
Solicitan licenza para crear unha residencia privada de maiores na Parda e un centro de danza no antigo Liceo de Estribela
Por Anxo Lourido |
-
O PP analiza a ordenanza de mobilidade con colectivos ciclistas, asociacións profesionais e usuarios de VPM
Por Redacción |
-
A Confederación Galega de Persoas con Discapacidade pide ao Concello a retirada da ordenanza de mobilidade
Por Redacción | Creada e actualizada
-
En outubro entrará en vigor a nova ordenanza de mobilidade, que inclúe os patinetes eléctricos
Por Oskar Viéitez |
-
Tráfico quere incorporar ao regulamento estatal parte da ordenanza de mobilidade de Pontevedra
Por Redacción |
-
A nova ordenanza de mobilidade reforzará o carácter peonil de Pontevedra
Por Alejandro Espiño & Cristina Saiz |