Tres incendios intencionados calcinan dúas hectáreas de monte en Cuntis
Por Redacción
Tres incendios que, segundo todos os indicios, foron provocados queimaron na noite deste sábado dúas hectáreas de monte nas parroquias de Cuntis e Cequeril, no Concello de Cuntis.
Segundo a información facilitada polo Concello de Cuntis, producíronse dous incendios forestais na subida a Mesego (parroquia de Cuntis) e un na zona contraria do monte, pertencente ao lugar de Sebil, na parroquia de Cequeril.
O Concello de Cuntis expresa a súa "condena máis enérxica" ante estes actos incendiarios, acontecidos na pasada noite. O alcalde, Manuel Campos, sostén que son tres lumes "provocados cunha clara intencionalidade e con afán de facer moito dano".
Segundo o alcalde, só a rápida actuación dos Servizos de Emerxencias municipais e das brigadas da Consellería de Medio Rural permitiu que os incendios non chegasen a calcinar máis aló de dúas hectáreas.
Aínda así, o dificultoso do terreo e a intensidade do lume fixeron que os servizos de loita contra o lume tivesen que realizar un esforzo moi importante ata ben entrada a madrugada para poder aplacar as lapas e impedir que os danos fosen maiores.
Manuel Campos informou de que as forzas de seguridade xa están investigando o acontecido para tratar de dar co autor ou autores destes lumes forestais. "Máis antes ca tarde conseguiremos dar con aqueles que queren queimar a nosa terra e faremos que rendan contas ante a xustiza", afirmou.
Relacionadas:
-
Cuntis repetirá brigada anti incendios este verán e empeza a buscar persoal
Por Redacción |
-
Os incendiarios atacan Cuntis por segunda vez en menos de 24 horas
Por Redacción |
-
27 patrullas militares participarán na Operación Centinela Gallego a partir do 15 de agosto
Por Redacción |
-
Medios aéreos e terrestres controlan un lume forestal en Cuntis
Por Redacción |
-
Cuntis esixe á veciñanza que limpen con urxencia as fincas en mal estado
Por Redacción |
-
Un incendio forestal intencionado queda ás portas dun núcleo de vivendas en Cuntis
Por Alejandro Espiño |
-
Cuntis repetirá experiencia de ter unha brigada de loita contra os incendios e busca 8 traballadores
Por Redacción |