Pontevedra anuncia máis diñeiro para as luces de Nadal
Por Oskar Viéitez
A Xunta de Goberno Local do Concello de Pontevedra puxo en marcha este luns o expediente para a contratación da instalación a iluminación do Nadal, do Entroido e das festas de verán ( Santiaguiño e A Peregrina).
A portavoz do Goberno Local, Carme Da Silva comentou en rolda de prensa que "estamos a celebrar as festas da Peregrina 2020 pero xa estamos a traballar nas festas próximas" que, para estes efectos, serán as de Nadal.
Concretamente o expediente de licitación destina 140.000 euros para a iluminación deste Nadal, outro lote por 20.000 euros dedícase á iluminación do entroido e figuran 40.000 euros para as festas do verán de 2021.
Estas cantidades supoñen un incremento de 25.000 euros respecto a o previsto no pasado exercicio, pero a subida acapáraa a iluminación do Nadal que sumará 30 elementos decorativos máis que o ano pasado e reforzaranse algúns outros elementos como as bolas e as árbores.
A intención é "chegar a máis rúas a máis prazas con máis elementos decorativos" dixo Carme Da Silva pensando en que este ano, se a evolución epidemiolóxica permite ter unha celebración de Nadal adaptado á situación sanitaria na que nos atopemos, "pensamos que é importante ter a iluminación como apoio tanto ao ambiente festivo como ao comercio local e á economía local".
Por tanto haberá máis luces de Nadal pero "sen esaxerar, sen que se converta nun problema ambiental", advertiu Da Silva.
Relacionadas:
-
O PP pide un Plan de Nadal para fomentar o comercio local con concursos de panxoliñas e beléns
Por Redacción |
-
O nadal pontevedrés perde a feira de artesanía Pontenadal pola covid-19
Por Redacción |
-
Vilagarcía adianta ao 27 de novembro o prendido do alumeado de Nadal
Por Oskar Viéitez |
-
Empresas de Tui e Puente Genil (Córdoba) optan a iluminar o Nadal pontevedrés
Por Alejandro Espiño |
-
A casa máis iluminada de Pontevedra: "Abel Caballero picouse comigo, eu levo dez anos e el, dous"
Por Natalia Puga & Cristina Saiz |
-
Unha árbore cónica de 20 metros de altura ilumina xa o Nadal 2019
Por Cristina Saiz & Redacción |