A Consellería analiza a volta ás aulas no colexio de Campolongo e na escola infantil Crespo Rivas
Por Oskar Viéitez
O xefe territorial de Educación en Pontevedra, César Pérez Ares, xunto a responsables da Unidade Técnica deste departamento e os equipos directivos do EEI Concepción Crespo Rivas e do CEIP Campolongo, comprobaron cambio de carpintería exterior na escola infantil e analizaron a aplicación do protocolo de adaptación ao contexto da Covid-19.
Perés Ares recordou que dentro destas instrucións a Xunta xa confirmou que se realizarán test serolóxicos de dobre banda a todo o persoal dos centros educativos, incrementarase o profesorado para atender aos desdobres que se deban realizar para cumprir os máximos dos alumnos por aula e dar resposta ás necesiades específicas de atención educativa.
Tamén dixo que se traballará xunto a Anpas e equipos directivos para que os comedores escolares poidan poñerse en marcha coa mellores condicións de protección do alumnado.
Ademais, o xefe territorial tamén recordou que a colaboración dos concellos será esencial, xa que deben asumir a importancia do servizo de limpeza no caso dos centros que son da súa titularidade.
CARPINTERÍA
En relación á mellora da carpintería do Crespo Rivas, as obras executáronse en dúas fases distintas. Nesta última, coa que se remata o proxecto, permitiu a substitución das ventás dos corredores, a porta principal e a posterior, así como a porta de saída e o cerramento que dan á horta. Na planta superior reformáronse tamén as ventás do despacho e da sala do profesorado.
Dentro do Plan de Reactivación do Sector da Construción tamén se executarán en Pontevedra melloras na carpintería exterior da EEI Fina Casalderrey, reformarase a calefacción co CEP Campolongo, executaranse obras de acondicionamento xeral no IES Sánchez Cantón e instalarase unha nova caldeira de biomasa que dará servizo aos IES A Xunqueira I e II, e ao CIFP A Xunqueira.
Relacionadas:
-
Da horta á mesa para aprender a facer a súa propia pizza saudable
Por Mónica Patxot & Natalia Puga |
-
Tino Fernández insta a Feijóo a buscar "xa" un acordo co Concello para a limpeza dos colexios
Por Redacción |
-
"As garantías sanitarias son a prioridade da Xunta para un inicio de curso seguro e dentro da máxima normalidade posible"
Por Oskar Viéitez |
-
O Goberno municipal de Marín busca consensos na elaboración dun plan de cara ao inicio do vindeiro curso
Por Oskar Viéitez |
-
Rolda de visitas aos colexios de Sanxenxo para preparar o próximo curso
Por Redacción |
-
Rogelio Carballo, presidente da Fanpa Pontevedra, aclara que a apertura de matrículas dos comedores escolares só é estimativa
Por Anxo Lourido |
-
Pontevedra non quere ser a "pagafantas" e esixe á Xunta que asuma o custo das limpezas pola covid nos colexios
Por Oskar Viéitez |