Falece un home de 69 anos, ingresado por Covid-19 no Hospital Montecelo
Por Anxo Lourido
Na tarde do sábado, unha persoa que fora diagnosticada como enferma de coronavirus faleceu no Hospital Montecelo.
Trátase dun home de 69 anos de idade, que se atopaba ingresado no Complexo Hospitalario Universitario de Pontevedra (CHUP), e presentaba patoloxías previas, segundo confirmaba o departamento de prensa da Consellería de Sanidade e posteriormente a xerencia do centro pontevedrés.
Desde o inicio da pandemia son xa 17 as persoas falecidas na área sanitaria de Pontevedra e O Salnés. Esta morte prodúcese tres meses e medio despois da última vítima da Covid-19 en Montecelo, un paciente que falecía o 1 de maio deste ano.
A área sanitaria conta, tras esta perda, con 58 casos positivos e unha persoa ingresada no Hospital Montecelo. Ademais, persoal sanitario da área de Pneumoloxía atópase illado, en corentena, debido a que se detectou o caso dun paciente positivo de Covid-19 neste departamento que ingresara por outras causas e que na análise inicial había ofrecida un resultado negativo.
Relacionadas:
-
Pontevedra e O Salnés volven a cifras de mediados de maio tras 14 novos positivos por Covid, con 84 casos activos
Por Diego Espiño |
-
O número de positivos por Covid-19 na área de Pontevedra chega á cifra de 60 persoas
Por Redacción |
-
Persoal da planta de Pneumoloxía en Montecelo, en corentena tras estar en contacto cun paciente positivo en Covid
Por Anxo Lourido |
-
Dúas persoas, hospitalizadas en Montecelo dos 59 casos de Covid 19 que se rexistran na área de Pontevedra-O Salnés
Por Redacción |
-
Falece en Montecelo un home de 67 anos diagnosticado de coronavirus, a vítima número 16 na área sanitaria
Por Diego Espiño |