O pavillón de Tenorio estrea un mural contra a violencia machista
Por Redacción
"Chaves para as túas gaiolas" é o título do mural que a artista Iria Prol pintou no exterior do pavillón de Tenorio, no concello de Cerdedo-Cotobade.
Promovida pola Deputación, a obra mostra a unha serie de mulleres que, cos seus corpos, forman unha pirámide que simboliza a ruptura coa sociedade machista. Ademais, as figuras están rodeadas de libros, como símbolo da educación; e portan chaves coas que abrir as gaiolas do machismo.
"A educación é a chave para a igualdade", declarou na presentación do mural a titular deste departamento no goberno provincial, Vitoria Alonso. Na súa intervención, a socialista expuxo tamén a finalidade do programa "Mulleres en Acción. Violencia Zero", un proxecto que funciona como arma de visibilización para promover unha sociedade igualitaria, sen discriminación non violencia.
En representación do goberno local estivo o tenente de alcalde, Fernando Corbacho, quen mostrou a súa satisfacción por acoller esta obra e abriu as portas do Concello a outras accións que axuden a acabar con esta lacra.
A de Tenorio é a décimo sétima intervención da quinta edición deste programa que inclúe accións relacionadas coa pintura, a música, a danza, o teatro, a poesía ou a performance que se desenvolven en diferentes municipios da provincia e sempre coa loita contra a violencia machista como pano de fondo.
Relacionadas:
-
25N | Cerdedo-Cotobade apunta ás máscaras como un símbolo "da mordaza que fai calar a moitas mulleres"
Por Redacción |
-
'Mulleres en acción. Violencia Zero' leva as súas reivindicacións a Sanxenxo
Por Redacción |
-
'Mulleres en Acción. Violencia Zero' regresa en Marín cun berro contra a violencia machista
Por Redacción |
-
O lema 'Por nós, por todas' vestirá a balconada da Deputación de Pontevedra para reivindicar a igualdade
Por Sara Iglesias & Cristina Saiz |