Bueu inicia o axardinamento da rotonda do polígono de Castiñeiras
Por Redacción
As tarefas de axardinamento da rotonda da zona norte do parque empresarial de Castiñeiras en Bueu xa están en marcha. O primeiro encargo do equipo de xardinería contratado no marco do plan de emprego da Deputación de Pontevedra foi a limpeza desta zona que, segundo declaran desde o goberno local, "é unha vella demanda da asociación de empresarios".
Durante estes primeiros días, os traballadores encárganse de limpar a superficie e do fresado dunha parte do recinto no que se implantará herba natural e un sistema de rega automática.
A actuación completarase coa colocación de plantas ornamentais nunha composición que xa está a deseñar o capataz de xardinería municipal.
O alcalde do municipio, Félix Juncal, supervisou o inicio dos traballos que se desenvolven nun vial de titularidade provincial. O Concello adquirise este compromiso hai meses en reunións mantidas co empresariado e destaca que este acabado vén completar as renovacións realizadas no polígono nos últimos anos, como a modernización da iluminación ou a reparación de beirarrúas.