Pechan a Avenida da Coruña ao tráfico para avanzar na súa reordenación
Por Redacción
Só residentes e servizos teñen permitido o paso pola Avenida da Coruña. Todo o tráfico de paso quedou restrinxido para poder avanzar nas obras que se están a executar para reordenar a rúa e integrar o barrio do Burgo no modelo urbano de Pontevedra.
O tráfico está cortado concretamente entre o estadio de Pasarón e a ponte do Burgo, treito onde se están a centrar actualmente os traballos.
O obxectivo é eliminar o tráfico innecesario e limitalo ao estritamente preciso para o funcionamento do barrio e ao mesmo tempo priorizar a mobilidade peonil.
En concreto, o proxecto consiste en inverter o acceso á Avenida da Coruña, que se fará dende a ponte do Burgo cara Juan Bautista Andrade
Para iso hai que cambiar tamén o sentido de circulación do treito de Luís Otero e Leonardo Enríquez, que rodea o campo de Pasarón que xa ten saída cara a rotonda da avenida de Compostela e do segundo treito da Rúa da Santiña, a partir de Valentín Paz Andrade, de xeito que quede de sentido único de saída da cidade.
O treito histórico da Rúa da Santiña, o máis próximo á ponte do Burgo, quedaría de dobre sentido, ao igual que todas as rúas do centro histórico da cidade.
Todos estes cambios implican pequenas obras para cambiar de lugar a zona de estacionamentos de tal xeito que quede situada á man dereita, segundo o novo sentido de circulación.
Esta actuación ten un custe de case 192.000 euros.
Relacionadas:
-
Instalan dous cargadores para móbiles na humanizada Avenida da Coruña e na contorna de Pasarón
Por Manu Otero |
-
O Concello prevé cortes puntuais de tráfico na Santiña polas obras de asfaltado
Por Redacción |
-
Os coches poderán subir desde a ponte do Burgo ata Pasarón a partir da próxima semana
Por Redacción & Mónica Patxot |
-
Restricións de tráfico no Burgo na fase final das obras da Avenida da Coruña
Por Redacción |
-
O martes comezan as obras na Avenida da Coruña
Por Redacción |
-
Comezan os cambios de tráfico no Burgo
Por Redacción |
-
Sae a licitación a reordenación da avenida da Coruña, que cambiará sentidos de tráfico arredor de Pasarón
Por Redacción |