Lores fai un chamamento á calma e responsabilidade na nova situación de alerta sanitaria do concello
Por Redacción
O Concello de Pontevedra recibiu este mércores a confirmación de que Pontevedra ía ser incorporada aos lugares de especial restricción en Galicia con motivo da pandemia da Covid-19.
O alcalde Miguel Anxo Fernández Lores foi informado directamente por responsables da área sanitaria de Pontevedra desta decisión, tomada por motivos puramente sanitarios. A eles reiteroulles a total colaboración do Concello de Pontevedra como sempre fixo ao longo da pandemia.
O alcalde quere facer "un chamamento á calma e á responsabilidade dos pontevedreses e pontevedresas para afrontar esta nova situación de restriccións, para volver canto antes á nova normalidade".
Tamén convocou para o xoves, ás 09.00 horas ao Comité de seguimento da COVID do Concello de Pontevedra para estudiar as medidas que se porán en marcha por parte da autoridade sanitaria dende esta medianoite, e que se coñecerán ao longo desta tarde nunha publicación oficial; así como a posibilidade de valorar outras medidas a implementar para garantir a seguridade de todos os veciños.
Relacionadas:
-
Once militares da Brilat destinados en Figueirido dan positivo por COVID-19
Por Alejandro Espiño |
-
Que supón para Pontevedra ser zona de especial restrición pola COVID-19?
Por Alejandro Espiño |
-
Sanidade aprecia unha transmisión "importante" da COVID-19 por reunións entre amigos e familiares
Por Alejandro Espiño |
-
Pontevedra pasa a ser 'zona de especial restrición' pola COVID-19 un día antes da volta ao cole
Por Oskar Viéitez |