Rematan as obras no Consultorio de Ponte Sampaio e o Sergas confirma a incorporación do médico este luns 14
Por Redacción
Creada e actualizada
Creada e actualizada
Este xoves finalizaron os traballos de reforma para acondicionar o Centro Médico de Ponte Sampaio para adaptalo ás necesidades establecidas no Plan de continxencia da Covid. Era unha esixencia do Servizo Galego de Saúde (SERGAS) para que poida regresar o profesional facultativo a este consultorio da parroquia pontevedresa e que se ofreza o mesmo servizo que antes do inicio da pandemia.
Os traballos aprobábase o luns por procedemento de emerxencia e cun custo de 19.885 euros instaláronse en catro días unha nova porta exterior que facilita a entrada e saída aos pacientes; unha sala de illamento respiratorio independente; outra sala de espera respiratoria tamén independente; unha porta de acceso exterior á sala de illamento; unha porta de acceso interior desde a sala de espera respiratoria e a colocación de timbres en ambas as entradas.
Segundo anuncia o goberno local de Pontevedra, o SERGAS xa foi informado nas últimas horas da finalización das obras e o Concello de Pontevedra espera que desde a Consellería de Sanidade se cumpra o compromiso de incorporar ao médico a este consultorio para partir do luns 14, tal e como se acordou entre ambas as institucións, despois de numerosas protestas veciñais demandando este servizo para evitar desprazamentos ao Centro de Saúde Virxe Peregrina de Pontevedra.
A resposta do Sergas non se fixo esperar e este mesmo venres confirmaron que a actividade de Atención Primaria no consultorio de Ponte Sampaio reactivarase o luns co servizo dun facultativo de Medicina Familiar e Comunitaria, así como con profesionais de Enfermería.
Explican desde Sanidade que esta reactivación pode facerse realidade agora despois das obras realizadas polo Concello para adaptar o edificio ás continxencias da pandemia da Covid-19, que agora si reúne todas as condicións para prestar servizo con seguridade para os pacientes e traballadores.
Despois desta reforma, o edificio xa pode habilitar dobres circuítos, contar cunha sala de illamento e efectuar a triaxe na entrada.
Relacionadas:
-
Indignación en Ponte Sampaio por outro mes sen médico: "En agosto estamos todos sans? Ou é que somos de segunda?"
Por Natalia Puga & Mónica Patxot |
-
Hora e media ás portas do centro de saúde de Ponte Sampaio á espera dunha chave
Por Redacción |
-
A incorporación dun novo facultativo garante a continuidade da atención primaria en Ponte Sampaio
Por Redacción |
-
O consultorio médico de Ponte Sampaio estará adaptado ás peticións do Sergas o luns 14 de setembro
Por Anxo Lourido |
-
Poboación de Ponte Sampaio, A Canicouva e Soutomaior reclama un servizo sanitario digno
Por Redacción |
-
Un biombo e unha porta permitirán adaptar o centro de saúde de Ponte Sampaio ao protocolo anti Covid-19 e recuperar a atención médica
Por Natalia Puga |
-
A veciñanza de Ponte Sampaio lamenta que o Sergas non concrete data para o regreso do médico
Por Redacción |