Un positivo por Covid no Colexio Calasancio pon en corentena ao equipo directivo do centro
Por Redacción
O Colexio Plurilingüe Calasancio ten ao equipo directivo en corentena neste inicio escolar. Segundo o comunicado que o centro escolar situado en Blanco Porto en Pontevedra subiu á súa web, un integrante deste equipo directivo atopouse indisposto durante a xornada do 9 de setembro. Por este motivo someteuse ás probas e daba positivo en Covid-19.
Segundo a dirección, desde que foi informada pola persoa afectada, que se atopa no seu domicilio con síntomas leves, activouse de forma inmediata o protocolo e o plan de adaptación á situación Covid-19 do colexio.
Trasladaron a información ao Servizo de Alertas Epidemiolóxicas de Galicia que foi o organismo que lles indicou que debían someterse á medida de corentena para outros catro profesores do equipo directivo que estiveron en contacto co afectado.
A Dirección do Centro sinala que se están seguindo as instrucións das autoridades competentes e transmite tranquilidade ás familias. Afirman que seguirán xestionando o día a día do colexio de maneira telemática coa axuda do profesorado e do persoal de Administración e Servizos comunicando en todo momento as pautas que lles indiquen as Autoridades Sanitarias e Educativas.
A activida lectiva mantense con normalidade neste centro de ensino situado no centro da cidade do Lérez.
Relacionadas:
-
O Colexio Calasancio retoma as clases presenciais a partir do luns
Por Redacción |
-
Farán test PCR aos alumnos de 3 anos das Calasancias
Por Oskar Viéitez | Creada e actualizada
-
Sanidade pecha o colexio Calasancio por un gromo con nove casos positivos de coronavirus
Por Oskar Viéitez | Creada e actualizada
-
Outra profesora do colexio Calasancio dá positivo en coronavirus tras dar clase o venres
Por Redacción |
-
Seis meses máis tarde de declararse a pandemia, o municipio de Pontevedra sitúase en 200 positivos
Por Redacción |