Sanidade establece tamén medidas restritivas en Poio e Vilaboa
Por Redacción
A Consellería de Sanidade decidiu este venres 11 de setembro establecer tamén medidas restritivas nos Concellos veciños de Pontevedra, Poio e Vilaboa. A medida tamén se estende a Lalín, A Guarda e O Rosal.
O Subcomité clínico de expertos que analiza a situación epidemiolóxica na comunidade adoptaba esta decisión que supoñerá que estes municipios deberán limitar a capacidade de presenza de persoas un 50% nos establecementos comerciais, de restauración e hostalería, onde ademais quedará prohibido o consumo en barra. Tamén esta medida aplicarase en bibliotecas, academias, autoescolas e centros privados de ensino non regrado.
Tamén se establece a limitación do número máximo de persoas nas reunións tanto privadas como na vía pública fixado nun máximo de 10 persoas. Redúcese o número de persoas asistentes a celebracións, velorios e lugares de culto. Neste caso non poderán superar o 50% da capacidade do salón de banquetes nin o número máximo de 50 persoas para lugares pechados e de 100 persoas en caso de celebración en espazos ao aire libre. Este apartado da norma entrará en vigor a partir do luns e non terá validez para os actos previstos esta fin de semana do 12 e 13 de setembro.
O resto de medidas serán publicadas na tarde deste venres a través do DOG e entrarán en vigor a partir das 00.00 horas da noite deste venres. Nunha semana revisaranse todas estas medidas.
Relacionadas:
-
Poio incrementa nun caso o número de positivos durante a fin de semana e sitúase en 30
Por Redacción |
-
O Concello de Poio reforza as medidas de seguridade e control
Por Oskar Viéitez |
-
Vilaboa fai un chamamento á tranquilidade e á responsabilidade tras aprobar as restricións fronte á Covid
Por Redacción |
-
Seis meses máis tarde de declararse a pandemia, o municipio de Pontevedra sitúase en 200 positivos
Por Redacción |
-
Que supón para Pontevedra ser zona de especial restrición pola COVID-19?
Por Alejandro Espiño |
-
Sanidade aprecia unha transmisión "importante" da COVID-19 por reunións entre amigos e familiares
Por Alejandro Espiño |
-
Pontevedra pasa a ser 'zona de especial restrición' pola COVID-19 un día antes da volta ao cole
Por Oskar Viéitez |