Lores pide "responsabilidade" para frear a COVID-19, que alcanza 244 casos en Pontevedra
Por Alejandro Espiño
Case a metade dos casos activos por coronavirus da área sanitaria de Pontevedra e O Salnés rexístranse na cidade de Pontevedra. Así o reflicten os datos oficiais do Servizo Galego de Saúde, que sitúa na Boa Vila a 244 dos 503 infectados por COVID-19.
Ante este novo incremento, Miguel Anxo Fernández Lores fixo un novo chamamento á "responsabilidade" e á "sensatez" dos habitantes de Pontevedra para que acaten as novas restricións adoptadas pola Xunta para evitar que se estenda a incidencia do virus.
A situación, segundo Fernández Lores, "non vai a cambiar dun día para outro", polo que os cidadáns deben "extremar as precaucións" para non contaxiarse.
O rexedor volveu a criticar que, ao mesmo tempo que se decretan restricións para Pontevedra, reábranse os colexios con normalidade, algo que considera unha "contradición como a copa dun pino".
A este respecto, entende que o peche do Colexio Calasancio por un brote de COVID-19 "non será o único" porque, reiterou Lores, "o bicho está no ambiente" e a pesar de que Educación tivo "tempo suficiente" para preparar o inicio do curso, a adaptación dos centros é "manifestamente mellorable".
O alcalde recibiu os datos de incidencia da Covid-19 nunha reunión telemática que mantivo con responsables do Sergas, entre eles o xerente da área de Pontevedra, José Ramón Gómez. Ademais, participaron os rexedores de Poio, Vilaboa e Marín.
No caso deste último, aínda que non está incluído na relación de zonas con especial restrición pola COVID-19, as autoridades sanitarias entendían que debía participar neste encontro pola súa relación social e laboral con Pontevedra e Poio, confirma María Ramallo.
Cincuenta son os casos activos que houbo en Marín no últimos cinco días, segundo a alcaldesa, que sinala que esta reunión volverá repetir o vindeiro xoves para analizar a evolución da pandemia e, chegado o caso, adoptar novas medidas.
Relacionadas:
-
Pontevedra rexistra gromos "numerosos" de COVID-19 por reunións sociais e pacientes cada vez máis novos
Por Alejandro Espiño |
-
Os contaxios en Pontevedra, disparados: 55 casos positivos por COVID-19 nun día
Por Alejandro Espiño |
-
Só catro persoas están dadas de alta no servizo de recollida de lixo para doentes de COVID-19
Por Redacción |
-
Poio incrementa nun caso o número de positivos durante a fin de semana e sitúase en 30
Por Redacción |
-
Pechan un local de Ponte Sampaio onde se celebraba unha festa con 200 persoas
Por Alejandro Espiño |
-
Superado o medio milleiro de positivos en Pontevedra-O Salnés con 35 novos casos nas últimas horas
Por Redacción |
-
Sanidade pecha o colexio Calasancio por un gromo con nove casos positivos de coronavirus
Por Oskar Viéitez | Creada e actualizada