O Concello de Marín aumentará o importe das axudas ás oenegués do municipio
Por Redacción
O Salón de Plenos do Concello de Marín acolleu este luns o encontro mantido entre a alcaldesa María Ramallo, acompañada polas concelleiras Marián Sanmartín e Mónica Viqueira; con representantes das oenegués do municipio e técnicos do CIM e Servizos Sociais para avaliar a situación actual do labor asistencial que estes colectivos prestan na vila.
"Todas as asociacións apuntan a un aumento do número de familias que atenden, incluso algunhas veñen desde Pontevedra", sostén Sanmartín. Por iso, o goberno local aumentará a axuda económica que facilita cada ano a estas colectivas para as campaña de inverno e Nadal coa intención de sufragar o aumento de usuarios destas oenegués.
Doutra banda, ambas as partes decidiron suspender a clásica venda de rifas e adaptar a campaña de recollida de alimentos que cada inverno realizan nos centros escolares de forma conxunta.
No lado positivo está a boa acollida do plan de axuda social para mulleres vítimas de violencia machista con dificultades para afrontar os gastos de primeira necesidade. Dotada con 5.000 euros esta liña de axudas serviu para prestar atención a preto dun centenar de casos.
Relacionadas:
-
A crise da covid incrementa o número de usuarios dos servizos sociais de Marín
Por Redacción |
-
O Concello de Marín realiza seguimento a 29 casos de violencia machista no municipio
Por Redacción |
-
O Concello de Marín chamará a diario aos maiores de 80 anos que viven sós para saber como están
Por Redacción |
-
O Concello de Marín reparte 2.500 euros entre as oenegués para que os seus usuarios celebren o Nadal
Por Redacción |