O Concello de Ponte Caldelas mellora a seguridade viaria na contorna do supermercado
Por Redacción
O Concello de Ponte Caldelas realiza unha mellora da seguridade viaria na contorna do supermercado Froiz da vila, un espazo que comparten a diario multitude de peóns e vehículos. Os traballos consistiron na ampliación e pintado dos pasos de peóns así como o pintado dunha praza de aparcamento para persoas con discapacidade próxima á porta de acceso ao establecemento.
Así mesmo, procederon ao repintado da zona de carga e descarga para que os vehículos dos profesionais poidan traballar con máis rapidez e seguridade. "Respectar estas zonas de aparcamento sinalizadas é básico para o correcto funcionamento do tráfico da zona e tamén para a seguridade de peóns e condutores", explica o alcalde de Ponte Caldelas, Andrés Dïaz.