Un menor do Príncipe Felipe permanece en illamento tras dar positivo nas probas de Covid
Por Oskar Viéitez
Creada e actualizada
Creada e actualizada
Esta fin de semana activouse o protocolo Covid19 no Centro Príncipe Felipe ante o primeiro resultado positivo dun menor, que obrigou a poñer en corentena a outros 6 rapaces e 7 traballadores do centro, ao tratarse de contactos directos.
Aos seis rapaces xa se lles practicou este domingo a preceptiva PCR e os resultados son negativos. Aínda así todos cumprirán os 14 días de corentena. Este luns a pasarán os traballadores que están á espera nos seus domicilios.
Nada máis coñecerse o positivo, a dirección de Príncipe Felipe, coa supervisión do Servizo de Prevención da Deputación, activou o sábado o exhaustivo protocolo deseñado especificamente para estes supostos. O rapaz, que se atopa asintomático, está nunha unidade de illamento, ao igual que outros seis compañeiros con quen mantivo contacto directo.
Da mesma forma, 7 traballadores que se relacionaron co menor, foron enviados ás súas casas para pasar a corentena. Amais, fíxose un rastrexo de todos os contactos casuais, aínda que non foran estreitos (15 minutos, distancia 2 metros), e desde o Servizo de Prevención trasladouse a petición da proba PCR para minimizar ao máximo o risco que poidera existir.
En canto ao normal desenvolvemento da actividade laboral no centro de menores, a Deputación mantén activada unha bolsa de emprego por si fose necesario cubrir calquera baixa de persoal se finalmente houbera positivos ou corentenas entre o persoal traballador.
Nunha reunión celebrada este luns en Príncipe Felipe, a presidenta da Deputación, Carmela Silva coñeceu de primeira man os datos do centro, así como as medidas que se están a valorar en canto ás entradas e saídas diarias do centro mentres existan as restricións da Consellería de Sanidade na cidade de Pontevedra. Tampouco se descarta, en función da evolución da pandemia e recomendacións sanitarias, calquera reforzo adicional que fose necesario.
Relacionadas:
-
O PP pide á Deputación que reforce o persoal de Príncipe Felipe e mellore a seguridade no centro ante a Covid-19
Por Redacción |
-
Os educadores do Príncipe Felipe protestan contra o protocolo que lle impón funcións sanitarias
Por Redacción |
-
As PCR practicadas aos traballadores de Príncipe Felipe que estiveron en contacto cun menor infectado dan negativo
Por Redacción |
-
Comisións Obreiras protesta polos contaxios en Príncipe Felipe e a Deputación sae en defensa dos dereitos dos menores
Por Redacción |
-
O Centro Príncipe Felipe, preparado para a volta ás aulas coas esixencias da COVID19
Por Redacción |