Pontevedra rexistra 39 novos contaxios de COVID e sitúase como segunda área sanitaria galega con peores datos, con 702 casos activos
Por Diego Espiño
Despois de dúas xornadas por baixo da trintena de novos casos de coronavirus (28 o luns e 26 o domingo), o balance de afectados na Área Sanitaria de Pontevedra e O Salnés volve aumentar de maneira considerable.
Segundo as últimas cifras publicadas pola Consellería de Sanidade, contabilizáronse 39 contaxios novos con respecto á xornada anterior, cun importante incremento dos 'casos activos' ao colocarse nos 702. Isto supón 35 casos máis nas últimas horas ao producirse á súa vez 4 altas epidemiolóxicas de pacientes.
Estes datos colocan a Pontevedra como a segunda área sanitaria de Galicia con maior número de casos, superando a Lugo e só por baixo da Coruña (1.114).
Onde se rexistra un leve descenso no número de hospitalizados, cun menos que o luns. Así, atópanse ingresados en planta 14 persoas en Montecelo e unha máis no QuirónSalud Miguel Domínguez, evolucionando 5 afectados na Unidade de Coidados Intensivos (UCI).
Desde o inicio da pandemia superaron o COVID 1.183 pacientes na comarca, con 19 falecementos asociados ao virus. Ademais nas últimas 24 horas realizáronse 638 probas PCR, que se engaden ás 36.816 efectuadas con anterioridade.
A nivel autonómico a Dirección Xeral de Saúde Pública da Consellería de Sanidade informa que, segundo a última actualización, o número de casos activos de coronavirus en Galicia é de 4.350, o que supón 46 máis que no inicio de semana. Deles 1.114 son da área da Coruña, 687 da de Lugo, 551 da de Ourense, 702 da de Pontevedra, 489 da área de Vigo, 627 da de Santiago, e 180 da de Ferrol.
Do total de pacientes positivos, 32 están en UCI, 214 en unidades de hospitalización e 4.104 no domicilio. Por agora, en Galicia hai un total de 17.167 persoas curadas, rexistrándose 721 falecementos. A última persoa falecida en centros hospitalarios foi un home de 82 anos que faleceu no Complexo Hospitalario de Ourense e presentaba patoloxías previas.
Relacionadas:
-
A cifra de casos activos de coronavirus chega a 760 na área sanitaria tras unha xornada con 39 novos contaxios
Por Diego Espiño |
-
A Xunta recoñece que o brote de COVID en Pontevedra "non está baixo control"
Por Diego Espiño |
-
Unha escalada que non cesa: medio centenar de novos positivos de COVID na área sanitaria e 737 casos activos
Por Diego Espiño |
-
En Pontevedra hai 338 casos activos de coronavirus, 51 en Marín e 56 en Poio
Por Oskar Viéitez |
-
A semana comeza con 28 novos positivos por COVID e 667 casos activos na área sanitaria
Por Diego Espiño |
-
Os casos activos de COVID soben a 658 tras rexistrarse 26 novos positivos na área sanitaria
Por Diego Espiño |
-
Ata 16 centros educativos na área sanitaria rexistraron polo momento algún caso de COVID
Por Diego Espiño |
-
Sanidade inicia en Pontevedra o cribado preventivo con PCR a profesionais de restauración e hostalería
Por Redacción |
-
Outra xornada preocupante na área sanitaria, con 51 novos positivos de COVID e 651 casos activos
Por Diego Espiño |