A Educación Secundaria volta cunha concentración para reclamar a contratación de máis profesores
Por Manu Otero
O primeiro día de curso na Educación Secundaria comezou con protestas nas principais cidades de Galicia. Os sindicatos CIG, CC. OO., CSIF e STEG manifestáronse para esixir ao goberno da Xunta a contratación de máis profesorado e a implantación dun protocolo seguro para evitar contaxios por coronavirus nos centros educativos da comunidade.
"Mamparas non, máis profesorado", foi un dos principais cánticos que se escoitaron esta mañá de mércores na Praza da Peregrina, na que se congregaron ao redor de cincuenta persoas ataviados con carteis e megáfonos para facer oir as súas mensaxes dirixidas principalmente contra o conselleiro de Educación, Román Rodríguez.
Os protestantes reclaman a contratación de máis profesores, a redución dos cocientes de alumnos por aula, o respecto da distancia de seguridade nas aulas e un plan eficaz por se é necesario recorrer á teledocencia.
É a terceira protesta que leva a cabo no que vai de setembro na cidade pontevedresa. A intención principal dos sindicatos convocantes era a realización dunha folga do profesorado. Estaban chamados ao paro docentes de educación secundaria, bacharelato, formación profesional, ensinos de artes plásticas e deseño, ademais das deportivas e todos aqueles ensinos de réxime especial. Con todo, o seguimento foi moi reducido polo compromiso e sentido da responsabilidade dos profesionais para estar presentes nestes convulsos primeiros días de clases.
Relacionadas:
-
Sindicatos do Ensino advirten que cinco institutos de Pontevedra recorrerán á semipresencialidade durante o curso
Por Redacción |
-
A folga de educación aprázase unha semana
Por Redacción |
-
Estiman que o 80% do profesorado de infantil e o 60% de primaria non puido secundar a folga
Por Redacción |
-
O curso escolar comezará con folgas ante o "coste cero" das medidas da Xunta contra a COVID-19
Por Redacción |
-
Catro sindicatos anuncian mobilizacións e dúas folgas no inicio do curso escolar
Por Redacción |
-
A volta ao cole comeza con advertencias de folga contra o protocolo da Xunta
Por Redacción |