Fenosa inicia as obras para poder dar luz a todo Barro desde a subestación de Curro
Por Redacción
Todos os veciños de Barro recibirán a subministración eléctrica desde a subestación de Curro no caso de que se avaríe a actual situada en Tivo. Así será cando Unión Fenosa remate as obras de mellora da rede que, segundo a compañía, comezarán esta mesma semana.
Esta actuación permitirá acabar cos cortes que se producían na rede de Barro, segundo garanten os responsables da empresa.
Con esta conexión á subestación existente no polígono de Curro, Barro disporá dun dobre circuíto que garantirá a subministración en todo o municipio, xa que calquera incidencia que se produza pode resolverse de forma inmediata ao ter unha alternativa de servizo.
As obras que vai a executar Unión Fenosa, por un importe aproximado de 136.000 euros, consisten nunha nova liña de media tensión soterrada dende a subestación de Barro ata as inmediacións da AP-9 para conectarse na liña principal que discorre polo municipio.
Esta liña ten unha lonxitude 2.500 metros, dos cales 1.500 son de canalización soterrada nova e os 1.000 restantes van discorrer polas canalizacións xa existentes no polígono.
O alcalde, Xosé Manuel Fernández Abraldes, agarda que estas obras para conseguir a dobre conexión eléctrica para todo o concello permitan que calquera tipo de avaría "se poida solucionar de forma inmediata" e que os veciños de Barro "poidamos gozar dun servizo eléctrico de mellor calidade que o actual".
Relacionadas:
-
Fenosa investirá máis de 380.000 euros para dotar as parroquias de Barro de dobre suministro eléctrico
Por Redacción |
-
Frutas Moncho adquire unha segunda parcela no polígono de Barro
Por Oskar Viéitez |
-
A Xunta analiza con Unión Fenosa a mellora da subministración eléctrica en Pontevedra
Por Redacción |
-
Fenosa dotará a Barro dunha nova conexión eléctrica para evitar futuros cortes na rede
Por Redacción |
-
Unión Fenosa comprométese a solucionar os problemas co suministro eléctrico en Barro
Por Redacción |