Continúan as protestas polo bacharelato presencial no IES Sánchez Cantón á espera da solución da Xunta
Por Manu Otero & Mónica Patxot
As protestas para conseguir un bacharelato 100 % presencial no IES Sánchez Cantón non cesan. Unha semana máis, alumnos e pais afectados volveron a concentrarse na rúa Reina Vitoria con pancartas, cacerolas e chifres para esixir unha solución a un problema que xera desigualdade entre alumnos do ensino público e que pode marcar a diferenza á hora de acceder a estudos universitarios.
"Volvemos reclamar a presencialidad ao 100 %. Non temos ningún avance nin por parte da Xunta nin pola dirección do centro", declarou Ramón López, portavoz do colectivo de afectados.
Nos últimos días, os pais mantiveron reunións con representantes do goberno local e tamén da oposición, que lle brindaron todo o seu apoio e estiveron presentes na concentración. Tamén se decataron de que o delegado territorial de Educación, acompañado polo xefe de obras do departamento, visitou o instituto. "Extraoficialmente sabemos que viñeron pero non sabemos a que viñeron, que viron nin as medidas que poden adoptar", puntualiza López.
Tamén esta semana atopouse unha solución para o outro instituto da cidade co mesmo problema. Dirección, Anpa e Educación deron o visto e prace á colocación de biombos no IES Valle-Inclán para poder dar cabida a todo o alumnado nas aulas aínda que iso conleve a perda da distancia de seguridade de metro e medio entre estudante.
"As solucións deben propoñelas eles. Nós esperaremos a que nos digan a solución, avaliaremos a medida e apoiarémola ou non", declarou López cuestionado sobre a postura dos afectados no IES Sänchez Cantón con respecto a esta posible saída para o conflito.
Mentres tanto, os estudantes seguen compaxinando a actividade lectiva presencial e desde casa. "O inicio está a ser moi complicado, os rapaces están desorientados, non están afeitos ter só tres horas de clase e logo traballar desde casa", admite o portavoz.
Relacionadas:
-
Os bachareis do IES Sánchez Cantón recuperarán o luns 26 todas as clases presenciais
Por Oskar Viéitez |
-
O Sánchez Cantón ampliará o seu profesorado para recuperar a presencialidade no bacharelato
Por Manu Otero |
-
Unha profesora do instituto Sánchez Cantón dá positivo en covid
Por Redacción |
-
O Concello esixe a Educación o bacharelato "100% presencial" no Sánchez Cantón e o Valle Inclán "o antes posible"
Por Alejandro Espiño |
-
Educación autoriza o uso de mamparas nas aulas do instituto Valle Inclán
Por Oskar Viéitez |
-
O BNG apoia ao alumnado do Sánchez Cantón e Valle Inclán que protesta contra o bacharelato semipresencial
Por Redacción |
-
Sánchez Cantón e Valle Inclán unen as súas voces para protestar por un bacharelato "que non é nin semipresencial"
Por Manu Otero & Mónica Patxot |
-
Familias e alumnado do Sánchez Cantón volven manifestarse contra a "discriminación" da semipresencialidade
Por Redacción |
-
Pais e estudantes do IES Sánchez Cantón mobilízanse por un bacharelato 100 % presencial
Por Manu Otero & Mónica Patxot | Creada e actualizada