A área sanitaria asumiu 156 consolidacións profesionais da oferta de emprego público de 2017
Por Redacción
O Servizo Galego de Saúde (Sergas) ven de comunicar que a Área Sanitaria de Pontevedra e O Salnés ven de asumir un total de 156 consolidacións profesionais da última oferta pública de emprego.
Concretamente, 49 efectivos de Enfermaría, 60 celadores e 18 auxiliares administrativos no Complexo Hospitalario Universitario de Pontevedra e 18 efectivos de Enfermaría, 6 celadores e 5 auxiliares administrativos no Hospital Público do Salnés.
A súa toma de posesión supón a vinculación deste persoal con condición de fixeza nas institucións sanitarias do Sistema Público de Saúde.
O Sergas asegura que con esta medida cúmprese o obxectivo de estabilización do seu persoal autonómico, que na actualidade conta cun 80% de persoal estable.
Tras o remate das probas da última oferta pública de emprego do Servizo Galego de Saúde nas categorías de celador, enfermeiro e grupo auxiliar da función administrativa houbo un total de 1.429 profesionais seleccionados na Comunidade Autónoma -830 destinos foron adxudicados na categoría de enfermeiro, 209 foron para a categoría de grupo auxiliar da función administrativa e 390 asignados á categoría sanitaria de celador-.