Os populares critican que hai catro meses que non se reúne a Comisión de Benestar Social
Por Oskar Viéitez
A concelleira do Partido Popular Silvia Junco criticou a falta de "empatía e responsabilidade" do Concello de Pontevedra ao non convocar a comisión de Benestar Social desde hai catro meses.
Segundo declarou a edil popular "a calidade de vida dos pontevedreses debe ser unha prioridade".
"Non podemos permitir que, en metade dunha pandemia, cunha crise social de primeiro nivel que golpeou con total dureza á nosa cidade, o Concello de Pontevedra non considere suficientemente importante a convocatoria desta comisión tan necesaria e vital", mencionou a concelleira.
Corresponde a esta comisión, ademais do estudo e consulta de todos os asuntos sociais, o seguimento e fiscalización dos mesmos por parte da oposición.
Silvia Junco cre que "están a tratar de apartarnos do noso lexítimo labor de control da súa actuación, e da presentación das nosas propostas, ideas e mocións para que sexan ditaminadas con carácter previo para a súa aprobación no pleno".
Para o PP "queda retratado o pouco interese que ten este Concello en relación aos servizos sociais".
Relacionadas:
-
O PP denuncia unha "deficiente xestión" dos servizos sociais que provoca listas de espera de catro meses e baixas encadeadas
Por Natalia Puga |
-
"Na pandemia tivemos que comprar produtos de primeira necesidade para familias"
Por María José Pita & Mónica Patxot |
-
Pontevedra reclamará máis dun millón de euros á Xunta polos gastos extraordinarios da covid-19
Por Alejandro Espiño |