Luisa Piñeiro trasladará á Xunta as peticións do Concello de Campo Lameiro
Por Redacción
A delegada territorial da Xunta en Pontevedra, Luisa Piñeiro, continúa coa rolda de visitas institucionais, e este xoves mantivo un encontro co alcalde de Campo Lameiro, Carlos Costas, con quen analizou as principais demandas do municipio en relación a administración autonómica.
Entre estas demandas atópase a necesidade de mellorar o saneamento da parroquia de Fragas, e en concreto, do lugar de Reboredo, así como a estrada de Serrapio e a posta en marcha dunha senda peonil que remate a que existe actualmente entre Campo Lameiro e o parque arqueolóxico desta localidade.
Por outra banda, o rexedor insistiu na necesidade da colaboración da Xunta de Galicia en relación ao adecentamento dos petroglifos que se atopan no Campo de Matabois e no Chan da Lagoa, e que están catalogados como zona BIC.
Cuestións coma a posta en marcha de obras de mellora de estradas rurais ou de humanización de certos entornos pecharon o encontro entre ambos responsables políticos, agradecendo o rexedor a visita de Luisa Piñeiro ao concello.
Relacionadas:
-
Asinado o convenio para dotar de saneamento ao núcleo de Reboredo en Campo Lameiro
Por Redacción |
-
O alcalde de Barro pídelle un novo centro de saúde á Xunta
Por Redacción |
-
Cuntis reclama á Xunta que se lle inclúa no transporte público de Pontevedra e Santiago
Por Redacción |
-
Vilanova pide á Xunta a reordenación e humanización de todo o entorno do auditorio
Por Redacción |
-
Poio traslada á delegada territorial da Xunta a necesidade de reformar a PO-308 entre a Barca e Porteliña
Por Redacción |
-
Sanxenxo dota a praza de abastos de Portonovo de baños accesibles
Por Redacción |