O Sánchez Cantón ampliará o seu profesorado para recuperar a presencialidade no bacharelato
Por Manu Otero
A xefatura territorial de Educación comunicou este venres á comunidade educativa do IES Sánchez Cantón a través da aplicación Abalar que contratará ao profesorado necesario para asegurar a presencialidade completa en primeiro e segundo de bacharelato.
Por falta de espazos e profesorado, Educación decidira implantar un sistema de ensino semipresencial neste instituto pontevedrés para os dous niveis de bacharelato. Unha decisión que motivou as protestas dos alumnos e os seus pais que sentían prexudicados e en inferioridade de condicións en comparación cos estudantes doutros centros de Galicia á hora de preparar as probas de acceso á universidade.
As protestas contaron tamén co apoio de todos os grupos municipais da corporación pontevedresa.
A presión social fixo rectificar á Xunta que, este venres, anunciou que implantará a presencialidade completa en ambos os cursos. Para facelo posible contratarán a todo o profesorado necesario. Agora a dirección do centro ocúpase de reorganizar os horarios, que serán en quenda de tarde, para implantalo no menor tempo posible.
"Estamos satisfeitos porque os rapaces estudarán en igualdade", declarou Ramón López, portavoz do colectivo de pais afectados, despois de coñecer a noticia.
Aínda que toda a comunidade educativa está contenta polo logro, López considera que "é penoso ter que saír á rúa para facer que se cumpran os nosos dereitos. Pero é unha ferramenta ao alcance de todos e ao final conseguiuse", celebra.
Tras este anuncio, as mobilizacións do alumnado quedan suspendidas e a comunidade educativa dará unha marxe de tempo ao centro para adecuar os espazos e as quendas ao ensino presencial.
Relacionadas:
-
O Sánchez Cantón contará con dez aulas adicionais o próximo curso para adaptarse ao contexto covid
Por Manu Otero |
-
Os bachareis do IES Sánchez Cantón recuperarán o luns 26 todas as clases presenciais
Por Oskar Viéitez |
-
Continúan as protestas polo bacharelato presencial no IES Sánchez Cantón á espera da solución da Xunta
Por Manu Otero & Mónica Patxot |
-
O Concello esixe a Educación o bacharelato "100% presencial" no Sánchez Cantón e o Valle Inclán "o antes posible"
Por Alejandro Espiño |
-
Educación autoriza o uso de mamparas nas aulas do instituto Valle Inclán
Por Oskar Viéitez |
-
Convocan unha nova protesta para esixir un bacharelato totalmente presencial
Por Oskar Viéitez |
-
BNG e PP anuncian encontros con pais e nais de Sánchez Cantón e Valle Inclán tras as últimas protestas
Por Redacción |
-
Sánchez Cantón e Valle Inclán unen as súas voces para protestar por un bacharelato "que non é nin semipresencial"
Por Manu Otero & Mónica Patxot |
-
Familias e alumnado do Sánchez Cantón volven manifestarse contra a "discriminación" da semipresencialidade
Por Redacción |
-
Dúas alumnas do IES Castro Alobre de Vilagarcía inician a guerra contra o bacharelato semipresencial
Por Manu Otero |