Máis de 600 persoas, identificadas en Galicia pola Policía Autonómica nos controis anti-covid durante a fin de semana
Por Redacción
Durante esta fin de semana, axentes da Policía Autonómica de Galicia desenvolveron 30 dispositivos na provincia dentro do marco das actuacións establecidas para previr, inspeccionar e controlar o cumprimento das medidas adoptadas polas autoridades sanitarias co obxectivo de evitar a propagación da enfermidade covid-19.
Os axentes realizaron nove inspecciones en sete municipios da provincia durante entre o 16 e o 18 de outubro nos que levaron a cabo catro identificacións. Os concellos nos que se estableceron estes dispositivos foron Pontevedra, Vigo, Marín, Moaña, Redondela, Sanxenxo e Poio.
Controláronse tanto establecementos abertos ao público, terrazas e espectáculos públicos para comprobar que se cumprían os protocolos establecidos, como o uso da máscara, o cumprimento das distancias de seguridade, ademais de regulación do número de asistentes aos diferentes actos e o horario de peche dos locais e a prevención de botellóns.
No conxunto de Galicia, os axentes da Policía Autonómica actuaron nun total de 23 concellos, nos que se rexistraron 97 operativos cun total de 121 inspeccións, con máis de 600 persoas identificadas e 28 denuncias tramitadas na comunidade.
Estas intervencións enmárcanse no seo da colaboración entre as forzas e corpos de seguridade do Estado, cada unha no marco das súas competencias.
Relacionadas:
-
Unha decena de denuncias por incumprir as medidas anti covid-19
Por Redacción |
-
RADIO.- Mentres isto dure: Abordamos a responsabilidade persoal ante a covid-19
Por Marisa Ciordia |
-
A Policía Autonómica completa 30 operativos na provincia para velar polo cumplimento das normas anticovid-19
Por Redacción |
-
Denuncian 22 asistentes a unha festa en Noalla con exceso de ocupación e sen máscara nin distancia social
Por Natalia Puga |
-
A Policía Autonómica realizou durante a ponte do Pilar 32 denuncias por incumprimento das medidas anti covid-19
Por Redacción |
-
Denuncian seis persoas por un botellón e tres máis por xogar ás cartas sen máscara dentro dun bar
Por Alejandro Espiño |
-
Sete denuncias a dous locais da contorna da Peregrina por incumprir as normas anti Covid-19
Por Natalia Puga |