Sae a licitación a rexeneración da praia da Carabuxeira
Por Redacción
Nauta Sanxenxo ten previsto poñer en marcha este luns 26 de outubro a licitación da rexeneración da praia da Carabuxeira, o que supón o paso final a un proxecto que supuxo máis de dous anos de reunións entre as administracións implicadas (Costas, Portos de Galicia e o Concello).
Así o comunicou o Concello de Sanxenxo tras dar o alcalde, Telmo Martín, a orde de activar o proceso unha vez recibida a media mañá do venres a autorización de Costas para realizar os traballos.
Desta forma a recuperación da contorna do areal sairá a concurso por 143.270 euros e cun prazo de execución de 90 días laborables.
Os traballos consistirán na dragaxe e bombeo da area existente na contorna e o seu recheo en 70 metros lineais.
A primeira achega de area con carácter inmediato será de 10.000 metros cúbicos procedente da zona mergullada do propia fronte de praia. Para poder fixala faise necesaria a colocación de parte desta area dentro de xeotéxtiles de apoio construtivo para garantir a contención do material. Pola dificultade do enclave, con numerosos baixos na zona e un sedimento repartido entre eles, calcúlanse uns bombeos de area diario de 300 metros cúbicos.
O proxecto definitivo de rexeneración da Carabuxeira e Lavapanos contempla a achega de 14.000 metros cúbicos máis de area, pero ademais inclúe a construción dun dique para evitar a súa futura perda.
Relacionadas:
-
O estudo xeotécnico en 3D da praia marca o arranque dos traballos de rexeneración da Carabuxeira
Por Redacción |
-
Fixan o venres 12 de febreiro como data de inicio para a rexeneración da Carabuxeira
Por Redacción |
-
Sanxenxo confía en que Nanín sexa en 2022 unha praia con bandeira azul
Por Redacción |
-
Sanxenxo mellorará os accesos a Foxos e Major para preservar as dunas
Por Redacción |
-
Costas autoriza o proxecto de rexeneración da praia da Carabuxeira
Por Redacción |
-
A rexeneración da Carabuxeira está pendente de trámites en Costas e a Autoridade Portuaria
Por Redacción |
-
Expoñen tres opcións para devolver a area ás praias de Carabuxeira e Lavapanos
Por Oskar Viéitez |
-
Un estudo localiza a area perdida pola praia da Carabuxeira
Por Oskar Viéitez |