Pontevedra notifica 10 casos activos máis de Covid, Marín sobe en 3 casos e Poio mantense sen cambios
Por Redacción
O mapa informativo do Servizo Galego de Saúde sobre a pandemia non reflicte grandes cambios no que respecta a a comarca de Pontevedra e á súa área sanitaria.
Pontevedra, Marín, Poio e Vilagarcía de Arousa manteñen o nivel vermello de alerta pola incidencia de novos contaxios nos últimos 7 días.
Pola súa banda Cuntis afronta a súa segunda xornada no nivel laranxa e Cerdedo-Cotobade, Vilanova de Arousa, Cambados, Sanxenxo e Vilaboa atópanse en alerta amarela.
Segundo foron informando os propios municipios, este domingo 25 de outubro a capital provincial mantén 244 casos activos, o que supón un incremento de 10 casos con respecto á xornada anterior e case un centenar na última semana, xa que o pasado domingo a cifra oficial era de 147.
Pola súa banda Marín experimentou un aumento de 3 casos para un total de 40, mentres que Poio rexistra 50 casos activos menteniéndose sen cambios nos últimos días.
Vilagarcía de Arousa, o outro municipio da comarca con nivel vermello, viu reducidos en 4 os seus casos activos, con 68.
Vilanova con 27 casos, dous máis, e Sanxenxo con 19 (+1), son outros dos concellos que ofreceron os seus datos ao longo da xornada.
Relacionadas:
-
60 novos contaxios de Covid no inicio de semana na área sanitaria, con 683 casos activos
Por Diego Espiño |
-
Unha muller de 85 anos, positivo por Covid, falece no Complexo Hospitalario de Pontevedra
Por Redacción |
-
O ritmo de contaxios por Covid non decae na área sanitaria, con 53 novos positivos e 639 casos activos
Por Diego Espiño |
-
Marín súmase a Pontevedra, Poio e Vilagarcía no nivel máximo de alerta pola incidencia da Covid
Por Redacción |
-
15 casos positivos máis no municipio de Pontevedra e 4 máis en Poio nas últimas 24 horas
Por Redacción |