Rafa Domínguez critica "que se gaste o diñeiro en reparar por cuarta vez o cruzamento de Benito Corbal"
Por Redacción
O presidente do Partido Popular de Pontevedra, Rafa Domínguez, criticou este mércores a decisión do goberno local de reformar o cruzamento entre Benito Corbal, Daniel de la Sota e Cobián Roffignac para convertilo nunha praza circular.
O portavoz popular carga contra a decisión de que "se gaste o diñeiro de todos os pontevedreses en arranxar por enésima vez a súa mesmo erro. É unha vergoña que, na situación actual, o Concello dedique case 50.000 euros a repetir por cuarta vez as mesmas obras", sinalou Domínguez.
"Esta situación non é nova, sucedeu en obras como en Cruz Gallastegui ou Barcelos, onde o Concello xa tivo que arranxar os seus propios erros”, xustificou o popular.
Segundo Rafa Domínguez este proxecto reflicte "falta de rigor" no goberno municipal, asegurando que "se segue acrecentando a distancia entre o que a sociedade demanda e o que o Concello impón".
Relacionadas:
-
O mércores 27 comezan as obras para crear a praza circular entre Benito Corbal, Daniel de la Sota e Cobián Roffignac
Por Redacción |
-
O PP de Pontevedra propón unha batería de medidas para mellorar a calidade de vida en Alba
Por Redacción |
-
O PSOE aplaude que os PGE 2021 atallan o "agravio" que sufría Pontevedra coa AP-9 e destinan un 30% máis de fondos á provincia
Por Redacción |
-
O cruzamento entre Benito Corbal, Daniel de la Sota e Cobián Roffignac converterase nunha praza circular
Por Anxo Lourido |