Se vives en Pontevedra, Poio ou Marín, estas son as razóns polas que podes saír do municipio ou facer reunións entre non conviventes
Por Manu Otero
O decreto 178/2020 do 30 de outubro polo que se adoptan medidas en determinados lugares de Galicia que restrinxen a mobilidade e as reunións de persoas xa está en vigor. O DOG recolle que nos municipios de Pontevedra, Poio e Marín, así como nos outras cidades de Galicia e a súa contorna; queda prohibido saír e entrar dos ámbitos municipais que constitúen estes concellos limítrofes. Do mesmo xeito, tampouco están permitidas as reunións de persoas non conviventes tanto no ámbito público como privado. Pero hai excepcións.
A entrada ou saída dos municipios pechados perimetralmente pode saltarse en caso de asistencia a centros sanitarios, cumprimento de obrigacións laborais ou legais, asistencia a centros universitarios e educativos, retorno ao lugar de residencia habitual ou familiar, coidado a maiores, menores, dependentes ou discapacitados, desprazamentos a entidades financeiras, de seguros ou estacións de servizo, actuacións urxentes ante órganos públicos, xudiciais ou notariais, renovacións de permisos e documentacións, realización de exames, por causa de forza maior ou calquera outra actividade de análoga natureza debidamente acreditada.
Ademais tampouco está prohibida a circulación en tránsito a través dos territorios confinados.
A organización de reunións entre persoas que non viven baixo o mesmo teito tamén poden producirse en determinadas circunstancias. É o caso de encontros que se produzan por motivos de asistencia a maiores, menores, dependentes ou por causa de forza maior. Tampouco se aplicará esta limitación en actividades laborais, institucionais, empresariais, admisnitrativas ou en centros de formación.
A práctica do deporte federado, sempre que se adopten as medidas previstas nos correspondentes protocolos, tamén está permitida.
Relacionadas:
-
Feijóo anuncia o peche das actividades "que non sexan esenciais" en practicamente toda a comarca
Por Diego Espiño |
-
A Secretaría Xeral para o Deporte aclara as dúbidas xurdidas polas novas restricións
Por Redacción |
-
O peche frustra as vacacións en Poio dunha parella inglesa: chegan sen coñecer as restricións e teñen que buscar outro aloxamento
Por Redacción |
-
Moita pedagoxía e ningunha multa nos controis policiais para o cumprimento do peche perimetral e o toque de queda
Por Natalia Puga |
-
Controis (e primeiros atascos) no peche perimetral de Pontevedra, Marín e Poio
Por Oskar Viéitez & Mónica Patxot |
-
Fernández Lores: "Teño as miñas dúbidas de que o confinamento perimetral de dous días sirva para algo"
Por Mónica Patxot & Anxo Lourido |
-
Sanidade 'confina' Pontevedra, Marín e Poio e limita as xuntanzas só aos conviventes
Por Alejandro Espiño |