O Goberno insta ás comunidades a adoptar medidas "contundentes" para evitar confinamentos
Por Alejandro Espiño
Adoptar medidas "contundentes" para evitar que se teñan que decretar "confinamientos superiores". É a esixencia que realizou o Goberno central, a través da súa portavoz, María José Montero, ás comunidades autónomas. Entre elas, tamén Galicia.
Tras a rolda de prensa do Consello de Ministros, Montero entende que os executivos autonómicos deben controlar a pandemia nos seus respectivos territorios e frear a expansión do virus "desde la prudencia, el rigor y la evidencia científica".
A ministra defendeu que sexan os "técnicos y expertos" os que suxiran as medidas que deban adoptar as comunidades, que nestes momentos teñen as competencias delegadas.
A nivel nacional, o Goberno defende que "aún es pronto" para valorar o impacto do estado de alarma e do toque de queda decretado para limitar a mobilidade nocturna, unha ferramenta legal que permite ás comunidades "tomar decisiones" para controlar os contaxios.
Nuns sete días, engadiu a ministra Montero, será o momento de valorar se fai falta aprobar novas restricións a nivel nacional.
A este respecto, a portavoz do executivo de Pedro Sánchez lembrou que este mércores haberá unha nova reunión entre o Ministerio de Sanidade e os gobernos rexionais para analizar a situación e adoptar "decisiones compartidas" para o conxunto do estado.
Estas decisións, engadiu María José Montero, teñen que ser ditadas polos respectivos presidentes autonómicos no marco das súas competencias.
Relacionadas:
-
O Goberno reduce ao 4% o IVA das máscaras e baixará o seu prezo máximo de venda
Por Alejandro Espiño |
-
Feijóo anuncia o peche das actividades "que non sexan esenciais" en practicamente toda a comarca
Por Diego Espiño |
-
Pontevedra, Marín, Poio, Vilagarcía, O Grove, Cambados e Ribadumia continúan en alerta vermella
Por Redacción |
-
A covid-19 avanza imparable na área sanitaria, con 1.082 casos activos e 70 pacientes hospitalizados
Por Natalia Puga |
-
Un home de 57 anos e unha muller de 89, dúas novas mortes da covid-19 en Pontevedra
Por Alejandro Espiño | Creada e actualizada