Sanidade confirma dous contaxios entre os traballadores da residencia de Vilaboa
Por Redacción
Ata 679 casos de covid-19 rexístranse nestes momentos nas residencias de maiores de Galicia. Son nove máis que onte.
Entre os detectados nas últimas 24 horas atópanse dous traballadores da residencia de Vilaboa e un caso máis, o número 20, entre o persoal do centro que dirixe DomusVi en Ribadumia, onde os contaxios ascenden xa a 79.
Así o reflicten os datos oficiais achegados este martes polas consellerías de Sanidade e Política Social, que sinalan que en Galicia que hai contaxiados 432 usuarios destas residencias da terceira idade e 237 traballadores.
Ademais dos dous traballadores da residencia de Vilaboa, hai persoal con covid-19 (un en cada unha) nas residencias Saraiva Senior e Soremay, ambas as dúas en Pontevedra, a residencia Ballesol de Poio e a residencia Divina Pastora de Vilagarcía.
Pola súa banda, na residencia Nosa Señora Valvanera de Cambados continúan activos 16 casos, oito anciáns e oito traballadores do centro.
Pero, sen dúbida, a maior preocupación da rede asistencial pontevedresa segue sendo a residencia DomusVi de Ribadumia, onde hai 59 anciáns e 20 traballadores contaxiados.
Relacionadas:
-
A residencia DomusVi de Ribadumia rexistra outros 9 usuarios e 3 traballadores positivos por covid
Por Oskar Viéitez |
-
Quince novos contaxios agravan a situación das residencias de Cambados e Ribadumia
Por Redacción |
-
Detectan outros 34 maiores contaxiados de covid-19 na residencia DomusVi de Ribadumia, que suma xa 66 casos
Por Natalia Puga |