Senadores do PP piden o "mesmo esforzo investidor" no Corredor Atlántico que no Mediterráneo
Por Redacción
Os tres senadores do Partido Popular por Pontevedra, Pilar Rojo, Javier Guerra e Elena Muñoz, esixiron ao Goberno que realice o "mesmo esforzo investidor" para impulsar o Corredor Atlántico de mercadorías como o que fai co Mediterráneo.
Ante a cámara alta, demandaron que o Executivo de Pedro Sánchez inclúa nos orzamentos xerais do Estado para 2021 unha partida "suficiente" para abordar as infraestruturas previstas neste proxecto.
Pilar Rojo considera que a "brecha" entre ambos os corredores é "evidente" ao ver as contas para o próximo ano, onde se reservan 367 millóns de euros para o proxecto do Mediterráneo e 68 millóns para o Atlántico.
"É un agravio que vai contra a competitividade de todo o noroeste peninsular nun momento especialmente delicado", denunciou Rojo.
A senadora lamenta ademais que o Ministerio de Transportes anunciase investimentos duns 7.000 millóns de euros con cargo aos fondos europeos para impulsar o corredor do Mediterráneo "e para o Atlántico nada se sabe".
Os populares entenden que neste momento Galicia "xógase o seu futuro económico" e consideran que a comunidade "non pode perder competitividade" nas conexións dos seus portos co interior do Estado español e co resto de Europa.
Rojo defendeu que o Corredor Atlántico, xunto á conexión ferroviaria do porto de Vigo e ou o acceso ferroviario do porto de Langosteira "teñen a oportunidade única" de ser financiados cos fondos europeos e, segundo advertiu, "non podemos perder ese tren".
Relacionadas:
-
RADIO.- "Coa loxística sanitaria de Galicia máis da metade dos galegos poderían estar vacinados, pero faltan vacinas"
Por Marisa Ciordia |
-
Deputados pontevedreses do PP critican os PGE porque debería ser "menos ideolóxicos e máis útiles"
Por Redacción |
-
O PP presentará emendas ao orzamento do Estado para "garantir unha maior e mellor recuperación da provincia"
Por Oskar Viéitez |
-
Gonzalo Caballero pide apoio a uns Orzamentos "positivos" para Galicia e que baixarán as peaxes da AP-9
Por Manu Otero |
-
Maica Larriba defende os orzamentos "realistas" do Goberno e os 211 millóns para investimentos directos na provincia
Por Redacción |
-
O PP pide partidas específicas para o Ano Xacobeo nos Orzamentos Xerais do Estado
Por Oskar Viéitez |
-
Deputados e senadores do PP denuncian que os orzamentos xerais do Estado supoñen un retroceso para Pontevedra
Por Redacción |
-
O PSOE aplaude que os PGE 2021 atallan o "agravio" que sufría Pontevedra coa AP-9 e destinan un 30% máis de fondos á provincia
Por Redacción |