Sanxenxo alcanza por primeira vez a alerta vermella pola covid-19 tras duplicar os contaxios nunha semana
Por Alejandro Espiño
Lonxe de remitir, a situación epidemiolóxica da área sanitaria de Pontevedra e O Salnés segue complicándose. Sanidade activou o nivel de alerta 3 (vermello), o máximo do seu 'semáforo covid', en dous novos municipios. Sanxenxo, que alcanza esta situación por primeira vez, e Poio, que volve a esta lista tras saír dela hai apenas un día.
Nos últimos días, a evolución de Sanxenxo é claramente ascendente. Desde onte, detectáronse sete novos contaxios. Son xa 39 casos activos no municipio. Hai xusto unha semana eran a metade, tan só 18.
Mentres que Poio este xoves ten 56 casos activos, un menos ca onte.
En Pontevedra avanzan que hai 376 infectados, oito máis que hai 48 horas, o último dato que estaba dispoñible.
O resto de municipios da área que están situados no nivel de alerta 3, outros catro, son Vilagarcía de Arousa, Ribadumia, O Grove e Cambados.
Entre eles, o único que informou dos seus datos actuais en Cambados, que citando fontes sanitarias, confirma a existencia de 56 casos activos no municipio.
Ponte Caldelas e Caldas de Reis son, pola súa banda, os únicos concellos que están en alerta 2 (laranxa) polos datos rexistrados na última semana.
No nivel de alerta 1 (amarelo) mantéñense A Lama, Cuntis, Soutomaior, Vilanova de Arousa e Cerdedo-Cotobade, segundo o mapa de alertas ofrecido pola Consellería de Sanidade. A eles súmanse Vilaboa, que mellora a súa incidencia, e Bueu, que sobe de novo un banzo máis.
O nivel cero (verde) é a situación na que se atopan Meaño, Portas, Meis, Barro e Campo Lameiro, tras detectarse menos de sete casos entre a súa poboación na última semana.
Relacionadas:
-
77 positivos máis elevan a 1.229 os casos activos na área sanitaria
Por Oskar Viéitez |
-
Soben os contaxios na área sanitaria, especialmente en Pontevedra, Sanxenxo e Vilagarcía
Por Alejandro Espiño |
-
O avance da covid-19 na área sanitaria: 94 novos casos positivos, 74 pacientes ingresados, 4 na UCI
Por Redacción |
-
Bueu pide reforzar os controis de acceso para evitar chegadas desde zonas en alerta vermella
Por Redacción |
-
"Canto máis pechados estamos, máis podemos movernos. Non é comprensible"
Por Alejandro Espiño | Creada e actualizada
-
O avance da covid-19 na área sanitaria: 938 PCR's, 93 novos positivos e 1.137 casos activos
Por Natalia Puga |
-
Consulta as actividades non esenciais que quedan prohibidas no perímetro de Pontevedra durante un mes
Por Natalia Puga |