Un apagón deixa sen luz a miles de vivendas do centro de Pontevedra á hora de comer
Por Redacción
Un apagamento deixou sen luz este xoves á hora de preparar a comida, pasadas ás 13.30 horas, a máis dun milleiro de pontevedreses residentes no centro da cidade, que tardaron en recuperar a subministración arredor de media hora, aínda que o servizo non se repuxo por completo ata as 14.53 horas.
A incidencia, segundo puido saber PontevedraViva, foi detectada na contorna da Uned, no barrio de Monte Porreiro, e provocou cortes a usuarios da zona de San Antoniño, Barcelos ou Benito Corbal, entre outras zonas.
En total foron 1.300 os usuarios afectados, dos que 1.000 recuperaron a luz nuns 30 minutos, aínda que outros tiveron que aguantar máis dunha hora sen luz nunha hora na que a maior parte das familias están a preparar a comida antes de retomar a xornada laboral ou escolar.
O corte afectou tamén a numerosos establecimentos comerciais deste céntrico barrio pontevedrés.
Relacionadas:
-
A caída dunha árbore provoca unha avaría que deixa sen luz catro horas máis de 300 casas de Marcón
Por Redacción |
-
Unha avaría deixa sen internet a centos de clientes de R en Pontevedra
Por Redacción |
-
Naturgy alerta dun corte de luz este domingo na contorna de San Antoniño para "continuar mellorando a calidade do servizo"
Por Anxo Lourido |
-
O Concello pedirá ao conselleiro de Industria que tome medidas contra Naturgy polos continuos cortes de luz
Por Anxo Lourido |