Morren dous pacientes con coronavirus hospitalizados en Montecelo e no Salnés
Por Oskar Viéitez & Cristina Saiz
A área sanitaria de Pontevedra rexistrou este sábado dúas novas mortes de pacientes infectados coa covid-19.
Un dos falecidos é un home de 65 que estaba ingresado no Hospital Montecelo de Pontevedra.
A outra vítima mortal é unha muller de 72 anos que se atopaba no Hospital do Salnés, procedente da residencia DomusVi Ribadumia.
Segundo os datos oficiais achegados este sábado pola Xunta o número de falecidos en Galicia de persoas diagnosticadas de coronavirus aumenta a 981 tras a morte de cinco persoas nas últimas horas en hospitais galegos.
Ademais dos dous pacientes xa citados na área de Pontevedra e O Salnés, a Consellería de Sanidade notificou a morte doutros dous homes, un de 76 anos no CHUAC da Coruña, e un de 86 no CHUS de Santiago e outra muller de 91 anos no Hospital Virxe da Xunqueira de Cee.
Relacionadas:
-
Falece no Hospital do Salnés unha cuarta paciente que procedía da Residencia DomusVi de Ribadumia
Por Redacción |
-
Outros dous falecidos por coronavirus en Montecelo con 88 e 76 anos
Por Oskar Viéitez |
-
A área sanitaria dá 64 altas a enfermos de covid pero o número de contaxiados segue crecendo
Por Oskar Viéitez |
-
A covid-19 cobra a súa vítima 34 en Pontevedra, un home de 82 anos ingresado en Montecelo
Por Alejandro Espiño |