O Concello estuda non cobrar os veladores á hostalería pero non baralla suspender outros impostos
Por Alejandro Espiño
O goberno municipal de Pontevedra anunciou este luns que, do mesmo xeito que ocorreu durante o primeiro estado de alarma pola covid-19, estuda non cobrar aos hostaleiros da cidade a taxa de veladores durante o tempo que lles obriguen a estar pechados polas restricións.
A Xunta, polo momento, decretou o seu cesamento de actividade -salvo servizo a domicilio- ata o próximo 4 de decembro, polo que o Concello non lles cobraría a parte correspondente a este mes no que non poderán traballar con normalidade.
A portavoz do goberno municipal, Anabel Gulías, sinalou que o Concello "traballará na mesma liña" que durante a pasada primavera e salvo esta bonificación nos veladores non baralla modificar ningún dos demais impostos.
"Temos que ser equitativos e hai moitos sectores que o están a pasar mal", apuntou Gulías, que lembrou que co peche da hostalería tamén se ven afectados, por exemplo, os provedores destes establecementos.
O goberno municipal opta, segundo a súa portavoz, por aumentar o gasto público "o máximo posible" e contribuír a reactivar a economía municipal mediante a contratación de obras, aumentar os pagos a provedores ou a organización de eventos culturais.
Ademais, aprobarase unha nova liña de axudas, con carácter finalista, para os sectores máis afectados pola pandemia. Serán subvencións similares ás xa incluídas no programa Supera20, ao que se destinaron 1,25 millóns de euros.
Relacionadas:
-
Pontevedra amplía ata as 2 da madrugada o horario dos veladores durante o Entroido
Por Redacción |
-
A hostalería pontevedresa abraza o "delivery" para resistir ao peche
Por Manu Otero & Mónica Patxot |
-
Flexibilizan as condicións á hostalería para optar á prestación extraordinaria por suspensión de actividade
Por Redacción |
-
Afectados pola covid-19 lamentan que o Concello "non sexa consciente" da súa situación
Por Alejandro Espiño |
-
Os hostaleiros non poderán acollerse a axuda por cese de actividade se manteñen os repartos a domicilio
Por Manu Otero |
-
Pontevedra activará unha nova línea de axudas para sectores afectados pola covid-19
Por Alejandro Espiño |
-
Multan un bar de Pontevedra que ignorou as restricións e abriu a fin de semana
Por Alejandro Espiño |
-
A hostalería de Pontevedra baixa o enreixado e saca a tarteira
Por Manu Otero & Mónica Patxot |