Nova vertedura de augas fecais ao río Gafos
Por Manu Otero
O leito do río Gafos amenceu este mércores cunha nova vertedura. O colectivo ecoloxista Vaipolorío puxo en coñecemento de Augas de Galicia e da Policía Autonómica a contaminación de augas fecais e refugallos que os veciños tiran á rede de sumidoiros nun tramo do río que transcorre pola parroquia pontevedresa de Tomeza.
Os voluntarios desta asociación puideron comprobar que a orixe desta vertedura está nun colector pertencente ao Concello de Vilaboa, pero situado en chan pontevedrés e que transcorre de forma paralela ao leito fluvial.
Alertan os ecoloxistas que este pozo de rexistro adoita atascarse de forma habitual e verter as súas augas ao río, polo que esixen unha intervención inmediata para poñer fin a este foco de contaminación.
Moitos veciños que paseaban este mércores pola contorna do Gafos puideron comprobar a estraña cor da auga, así como unha gran cantidade de papeis, plásticos e mesmo restos das perigosas toallitas desechables enganchadas á vexetación de ribeira.
"É incrible as cousas que nos temos atopado e fala moito do que as persoas botan ás alcantariilas. Temos visto galiñas mortas, fregonas e moitísimas toallitas, que aínda que din que son biodegradables, non o son", denuncian desde Vaipolorío.
Relacionadas:
-
Nova vertedura no río Gafos detectada por Vaipolorío
Por Redacción |
-
Na APDR aseguran estar "cansos" de denunciar verteduras no Gafos tras detectar un novo caso
Por Redacción |
-
Un sumidoiro no Marco leva unha década vertendo fecais ao río Gafos cada vez que chove
Por Oskar Viéitez |
-
As intensas precipitacións nocturnas provocan o desbordamento do río Gafos
Por Redacción |
-
Denuncian a aparición de catro aves de curral mortas no Gafos
Por Redacción |
-
Abandonan entullo e catro frigoríficos no ENIL do río Gafos
Por Oskar Viéitez |
-
Vaipolorío denuncia que unha nova vertedura de terra no Gafos tinguiu a súa desembocadura na ría
Por Redacción |
-
A metade dun coche, o sorprendente descubrimento de Vaipolorío preto do Gafos
Por María José Pita |
-
Eliminan unha vertedura de augas residuais ao río Gafos en Salcedo
Por Redacción |