Queda formalmente constituída a PAC para aglutinar a "calquera cuxa actividade se viu truncada polo covid"
Por Redacción
Tras a súa pertinente inscrición no Rexistro do Concello, este venres quedou formalmente constituida a Plataforma de Afectados polo Covid Pontevedra -co acrónimo de PAC- e que dispón de máis de mil cen sinaturas de empresas e particulares . O seu obxectivo: "axudar a calquera persoa cuxa actividade se viu truncada polo coronavirus" explicaba Jacobo Barragáns, portavoz deste novo colectivo.
Por agora participan autónomos e empresarios da hostalería, comercio, sector cultural, barberías, taxistas, particulares que perderon o seu posto de traballo, "calquera que queira unirse a nós, benvido é", apelaba. Pódese contactar a través da campaña de firmas que abriran, dispoñible en negocios da cidade; ou a través das redes de Instagram, Facebook e Twitter que tamén abriron.
Decláranse apolíticos e as súas demandas refiren ás administracións local, autonómica e estatal. No que refire ao Concello, solicitan unha devolución e suspensión das taxas municipais e unha flexibilización da normativa "que facilite a viabilidade dos negocios". Agradecen á Xunta "as axudas, pero han de ser inmediatas, claras e continuadas" e ao Goberno central reclaman "un erte único, claro, xusto e consciente da situación actual e a que está por vir".
O vindeiro luns sumaranse a unha protesta convocada ás 11.00 horas diante da sede administrativa da Xunta en Campolongo e que concluirá na Subdelegación do Goberno. De igual forma, repetirán cada venres unha cacerolada.
Relacionadas:
-
Os sectores de peiteado e estética reclaman recortar o ive ou mobilizaranse en xaneiro
Por Redacción |
-
A Xunta estima en máis de 5,8 millóns de euros as axudas que percibirán os 900 hostaleiros de Pontevedra, Marín e Poio
Por Oskar Viéitez |
-
RADIO.- "Queremos que as Administracións estean á altura das circunstancias e da cidadanía"
Por Marisa Ciordia |
-
VÍDEO.- Rogo desesperado da hostalería para reclamar a exención de taxas municipais
Por Redacción |
-
Os hostaleiros inician unha campaña de captación de apoios á plataforma de afectados pola covid-19
Por Manu Otero |
-
O PP presenta á Plataforma de Afectados pola Covid o seu plan de rescate
Por Oskar Viéitez |
-
Afectados pola covid-19 lamentan que o Concello "non sexa consciente" da súa situación
Por Alejandro Espiño |