Cuntis informa de que a consulta sobre a parcelaria de Troáns deberá facerse por teléfono ou na web
Por Redacción
O Concello de Cuntis comunica á súa veciñanza que a Consellería de Medio Rural aprobou o pasado 8 de novembro o acordo da reestruturación parcelaria da zona de Troáns-sector I polo que se establece a nova distribución da propiedade. Nos próximos días comezarán a realizarase as notificacións individualizadas a todas as persoas propietarias da zona.
Debido ás restricións marcadas pola pandemia da covid-19, fontes municipais informan de que non se poden expoñer os planos en papel no lugar de costume da zona.
Con todo, a partir da dita notificación poderán consultarse os planos do acordo da reestruturación parcelaria na páxina web da Consellería do Medio Rural no enderezo: https://ovmediorural.xunta.gal/gl/consultas-publicas/concentracions-parcelarias-procesos.
Así mesmo, establécese a atención telefónica no Servizo de Infraestruturas Agrarias de Pontevedra nos seguintes teléfonos: 986 805 433 - 886 206 599 - 986 805 448.
A maiores, se é preciso, durante a atención telefónica poderá concertarse a atención presencial con cita previa na sede deste Servizo situada na avenida María Victoria Moreno, número 43, 2º andar da cidade de Pontevedra.
Relacionadas:
-
O alcalde de Cuntis pregunta ao delegado da Xunta polos dous procesos de concentración parcelaria en curso
Por Oskar Viéitez |
-
Concello e comerciantes de Cuntis reparten bonos de desconto para impulsar o comercio local
Por Redacción |
-
Cuntis inicia a campaña primaveral de rozas en pistas e camiños municipais
Por Redacción |
-
Cuntis pon en marcha a construción dunha rede secundaria de camiños en terreos da parcelaria de Troáns
Por Redacción |
-
Cuntis solicita á Xunta a mellora de camiños e a modificación dunha liña eléctrica nas parcelarias de Troáns
Por Redacción |