O falecemento de dous homes por covid-19 sitúa en 47 o número de vítimas mortais na área sanitaria
Por Redacción
Un home de 86 anos no Hospital do Salnés, procedente da Residencia Valvanera de Cambados, e outro paciente de 77, que perdía a vida no Hospital Montecelo, son as dúas últimas vítimas mortais na zona de Pontevedra-O Salnés como consecuencia da enfermidade da covid-19.
Con estes dous novos falecementos o número de persoas que morreron por esta causa ascende a 47 desde o inicio da pandemia, segundo informan desde o Servizo Galego de Saúde. A anterior vítima rexistrouse durante a xornada do xoves.
Segundo a Consellería de Sanidade, ao longo das últimas 24 horas faleceron en Galicia 13 persoas diagnosticadas por coronavirus, entre as que se atopan a dúas da área de Pontevedra - O Salnés.
Nesta listaxe figura unha muller de 87 anos, no Complexo Hospitalario de Vigo, que procedía da Residencia O Doral, un home de 64 e unha muller de 95, que tamén perdían a vida no Hospital Álvaro Cunqueiro.
Tamén nas últimas horas falecía unha muller de 100 anos, na Residencia San Cibrao de Cervo e un home de 93, no Hospital da Mariña, que procedía da mesma residencia de Cervo. No Complexo Hospitalario da Coruña morrían un home de 79 e unha muller de 77 anos. Ademais, dúas mulleres, de 86 e 92 anos perdían a vida nas Residencias Irmáns Prieto do Carballiño e Salvaterra do Miño, respectivamente. Por último, á lista súmase unha muller de 72 anos, no Hospital do Barco de Valdeorras, que procedía da Residencia de Viana do Bolo.
Todas as vítimas, segundo a información facilitada polo SERGAS, presentaban cadros clínicos con enfermidades previas.
Relacionadas:
-
Nove persoas falecidas en Galicia nas últimas 24 horas por covid-19, unha delas no Hospital Montecelo
Por Redacción |
-
87 novos casos positivos na área sanitaria Pontevedra - O Salnés durante as últimas 24 horas
Por Redacción | Creada e actualizada
-
Situación sanitaria na área de Pontevedra - O Salnés: Vilanova de Arousa entra en zona de alerta vermella, Poio sae
Por Redacción |
-
Os contaxios non dan tregua á área sanitaria: 83 novos positivos e seis hospitalizados máis nun día
Por Natalia Puga |
-
Unha muller de 96 anos eleva a 45 o número de vítimas mortais da covid-19 na área sanitaria de Pontevedra - O Salnés
Por Redacción |