A área sanitaria de Pontevedra - O Salnés mantén unha media de 70 novos positivos diarios nos últimos días
Por Redacción
A área sanitaria de Pontevedra - O Salnés ofrece o dato de 70 novos casos positivos tras as 691 probas PCR realizadas durante as últimas 24 horas. Trátase dunha cifra similar á dos días previos onde se contabilizaron 78, 51, 87 e 83 persoas contaxiadas pola covid-19. Os 70 novos casos desta xornada supoñen o número máis elevado durante este martes dentro de todas as áreas sanitarias de Galicia
Nesta área tamén se incrementa o número de pacientes ingresados nas últimas 24 horas por culpa do coronavirus. Un total de 65 pacientes atópanse nos hospitais repartidos da seguinte forma: 51 en planta do Hospital Montecelo do Complexo Hospitalario Universitario de Pontevedra (CHUP); 3 no Hospital QuirónSalud Miguel Domínguez e 5 no Hospital do Salnés, ademais de 6 ingresados covid na Unidade de Coidados Críticos do Hospital Montecelo, dous máis que na xornada de onte.
Nos seus domicilios atópanse 1.170 persoas pasando a enfermidade e en total hai 1.235 casos activos na área sanitaria. A cifra de falecidos xa chegou á cifra de 50 pacientes, tras as mortes de dúas mulleres, de 88 e 94 anos, durante as últimas horas na residencia DomusVi de Ribadumia. Ambas, segundo os datos ofrecidos polo SERGAS, contaban con patoloxías previas.
No conxunto de Galicia tamén ascenden o número de casos activos durante as últimas horas pasando de 49.487 infectados a 49.832 con 8.617 pacientes con infección activa. Baixan na comunidade o número de hospitalizados (456) e de pacientes en Coidados Intensivos (96).
Relacionadas:
-
Baixada de casos confirmados por PCR nas últimas horas: 48 positivos en 660 probas realizadas na área sanitaria
Por Redacción |
-
Baixan os casos activos nos municipios da área sanitaria salvo Sanxenxo e Vilagarcía
Por Alejandro Espiño |
-
A residencia de maiores Pontevedra, de Vilaboa, suma xa 40 casos activos de covid-19, 26 novos nun día
Por Natalia Puga |
-
Dúas novas mortes na residencia de Ribadumia elevan a 50 as vítimas mortais da covid-19 na área sanitaria
Por Natalia Puga |
-
Dous bares de Pontevedra denunciados por incumprir o peche da hostalería
Por Redacción |
-
Denuncian un bar de Combarro que vendía alcol para consumir na rúa e 16 clientes que se xuntaron para beber
Por Natalia Puga |
-
62 pacientes permanecen ingresados por covid-19 nos hospitais de Pontevedra e O Salnés
Por Redacción |