Dous novos falecidos por covid-19 na área sanitaria, un procedente da residencia de Vilaboa
Por Natalia Puga
A área sanitaria de Pontevedra e O Salnés suma xa 55 persoas falecidas pola pandemia da covid-19. Os dous últimos en incorporarse á triste nómina de vítimas mortais son dous homes falecidos este domingo que estaban ingresados no Complexo Hospitalario Universitario de Pontevedra, CHOP.
Segundo o último balance oficial, un deles procedía da residencia Pontevedra de Vilaboa, na que este domingo había 56 casos activos de coronavirus, 42 usuarios e 14 traballadores.
Neste caso, o falecido foi un home de 89 anos. O segundo morto no CHOP foi un home de 84 anos e ambos tiñan patoloxías previas.
En Galicia faleceron este domingo doce persoas que foran diagnosticadas por coronavirus, todas con patoloxías previas. Ademais das dúas vítimas mortais pontevedresas, reportáronse catro falecidos no CHUVI de Vigo, unha muller de 93 anos e tres homes de 77, 80 e 82.
Ademais, morreu un home de 77 anos ingresado no CHUO de Ourense, unha muller de 91 no HULA de Lugo que procedía da residencia de Vilalba, unha muller de 92 e un home de 70 no CHUAC da Coruña e dúas mulleres de 98 e 92 no CHUF de Ferrol. A maior delas procedía da residencia Nosa Señora das Virtudes de Pontedeume.
Relacionadas:
-
Dúas mulleres, procedentes da residencia Soremay, falecen nas últimas horas en Pontevedra por covid-19
Por Redacción |
-
Tres falecementos no Complexo Hospitalario de Pontevedra elevan a 65 as mortes por covid na área sanitaria
Por Redacción |
-
A área sanitaria de Pontevedra - O Salnés alcanza xa as 60 vítimas mortais por covid-19 nunha semana negra
Por Redacción |
-
O gromo na residencia Soremay de Pontevedra dispárase ata os 57 contaxios entre usuarios e traballadores
Por Diego Espiño |
-
Aumentan os contaxiados por covid do centro Soremay de Pontevedra
Por Oskar Viéitez & Cristina Saiz |
-
Un total de 56 novos positivos de covid-19 en 613 PCR realizadas na área sanitaria en 24 horas
Por Natalia Puga |