A caída dunha árbore provoca unha avaría que deixa sen luz catro horas máis de 300 casas de Marcón
Por Redacción
Veciños de varios lugares da parroquia de Marcón, entre eles Pintos, Sabarís, Pazos e Valadadres, permaneceron durante catro horas da mañá deste luns sen subministración eléctrica debida a unha avaría que fontes da empresa subministradora atribúen á caída dunha árbore.
A incidencia chegou a deixar sen luz a 372 fogares de Marcón, aínda que durante a maior parte do tempo que durou o corte os fogares clientes afectados foron, segundo indican desde a empresa, 336.
Fontes oficiais de Naturgy indicaron a PontevedraViva que a causa da avaría foi a caída dunha árbore sobre a liña que fornece electricidade a todas estas vivendas. Produciuse durante unha talla que estaban a realizar persoas alleas á empresa.
O corte na subministración rexistrouse oficialmente ás 9.50 horas deste luns e fontes veciñais confirmaron que quedou resolto uns minutos antes das 14.00 horas, de modo que se prolongou durante ao redor de catro horas.
Operarios traballaron durante toda a mañá para a retirada da árbore que afectaba ao tendido eléctrico e imposibilitada que se puidese recuperar a subministración.