O ministro de Defensa inaugurará este luns o curso académico na Escola Naval Militar de Marín
Por Oskar Viéitez
O ministro de Defensa, Pedro Morenés, inaugurará cunha conferencia este luns, 9 de setembro, o curso académico 2013-2014 na Escola Naval Militar de Marín, xunto ao almirante xefe de Estado Maior da Armada, Jaime Muñoz-Delgado, e ao comandante director da Escola Naval, Juan Luis Sobrino.
Un total de 504 alumnos cursarán estudos neste centro castrense durante este período.
Non será esta a primeira ocasión na que o ministro de Defensa acuda á Escola Naval de Marín xa que dende a súa toma de posesión asistiu a todos os actos de entrega de Reais Despachos aos novos oficiais da Armada e a xura de Bandeira dos alumnos de primeiro curso o Día do Carmen.