O futuro do turismo nas Rías Baixas despois da crise, a debate no foro TurisTIC
Por Redacción
A terceira xornada do programa TurisTIC organizado pola Deputación de Pontevedra segue consolidándose como un foro referente no debate sobre a situación actual do sector turístico e a súa recuperación a través do uso das novas tecnoloxías.
A xornada, moderada pola xornalista Yolanda Vázquez, foi seguida por máis dun milleiro de persoas a través da canle de Youtube e as redes sociais da Deputación. Nunha intensa mañá con tres mesas redondas, os relatores falaron sobre os retos e oportunidades de futuro, un turismo intelixente e sostible a coordinación entre entidades privadas e públicas ou a dixitalización do sector, entre outros asuntos.
"As administracións debemos ser axentes do cambio a partir das demandas do sector, que representa un 11% do PIB. Hai que escoitalos e apostar por un desenvolvemento turístico intelixente", explicou na apertura do acto a presidenta dá Deputación, Carmela Silva."Debemos tomar decisións para recuperar a confianza, cambiar o modelo, ampliar a oferta e adaptala á Axenda 2030, e cooperar entre todas e todos tendo en conta os fondos europeos: é un momento durísimo pero nunca houbo tantos recursos públicos", engadiu sobre a actual situación de crise no sector provada pola pandemia da covid-19.
Relacionadas:
-
Apelan á colaboración público-privada para captar fondos europeos que potencien o atractivo turístico da provincia
Por Redacción |
-
Deputación e Organización Mundial do Turismo colaboran para impulsar o sector na provincia
Por Redacción |
-
O Plan Estratéxico de Turismo 2021-2023 quere converter ás Rías Baixas nun destino intelixente
Por Oskar Viéitez |