Unha muller de 80 años falecida en Montecelo, vítima número 57 da pandemia na área sanitaria
Por Redacción
A suma de vítimas por coronavirus non cesa en Galicia nin tampouco na área sanitaria de Pontevedra - O Salnés. Nas últimas horas falecía unha muller de 80 anos no Hospital Montecelo, segundo a información facilitada polo Servizo Galego de Saúde (SERGAS). A vítima presentaba un cadro clínico no que figuraban patoloxías previas.
Esta morte vén precedida pola dun home de 93 anos, que falecía durante a xornada de onte no Hospital do Salnés. Segundo os datos que ofrece a xerencia da área sanitaria, desde o inicio da pandemia faleceron 57 persoas como consecuencia desta enfermidade nos centros hospitalarios de Pontevedra e O Salnés.
Durante as últimas 24 horas en Galicia rexistráronse 7 falecementos de persoas diagnosticadas por coronavirus.
No Complexo Hospitalario de Vigo morría un home de 75 anos, procedente da Residencia CRAPD-Vigo 2; outra muller, de 86 anos, falecía na residencia integrada para pacientes covid Bo Día Sagunto de Vigo, procedía da Residencia Bo Día Sagunto de Nigrán; unha muller de 86 anos perdía a vida no seu domicilio na área sanitaria da Coruña, mentres que outra muller, de 91 anos, falecía no Complexo Hospitalario Universitario da Coruña. Outra muller, de 92 anos, no Complexo Hospitalario de Ferrol e un home de 70 anos no Hospital Universitario Lucus Augusti tamén falecían durante está xornada.
En total, en Galicia ata o momento rexistráronse 1.228 mortes pola enfermidade covid-19, segundo os datos facilitados pola Consellería de Sanidade.
Relacionadas:
-
A área sanitaria de Pontevedra - O Salnés alcanza xa as 60 vítimas mortais por covid-19 nunha semana negra
Por Redacción |
-
Continúan descendendo os casos activos de Covid na área sanitaria tras unha xornada con 39 novos contaxios
Por Diego Espiño |
-
A cifra de novos positivos sitúase en 26 na área sanitaria e continúan 9 pacientes covid na UCI de Montecelo
Por Redacción |
-
Unha muller de 71 anos e un home de 80 falecen en Montecelo por coronavirus
Por Redacción |
-
Mozos e mozas de 15 a 24 anos, franxa de maior incidencia da covid-19 en Pontevedra
Por Alejandro Espiño |
-
A área sanitaria mantén 58 pacientes hospitalizados, oito deles na UCI, e suma 42 novos contaxios nun día
Por Natalia Puga |
-
Nova vítima mortal como consecuencia da covid-19 no Hospital do Salnés
Por Redacción |